Video
Read full review
2019-09-12
49 views
最近發現寶琳新都城呢邊有間性價比好高既日式餐廳，唔單止有咖哩，仲有壽喜燒、蓋飯同拉麵食。以前成日覺得，餐廳咩食品都有會唔會冇咁專門呢，但呢間既食物都有水準喎，可以一試，最緊要價錢抵❤️❤️裝修就冇乜特別，位置多，坐得寬敞。今日特別想介紹佢既set 餐，我叫左自選二人餐，可以揀兩款拉麵或飯，加三樣小食，都只係$208。好抵！我揀左一個豬軟骨拉麵，要額外加$15,同吉列豬扒奄列咖哩飯。小食有成十二款比你揀，我揀左吉列炸蝦、炒魷魚鬚同燒魚餅。豬軟骨拉麵豬軟骨炆得好入味，好腍身，一咬就化開。味道有點醋酸味，感覺好開胃，中和左軟骨果種膩感。麵係幼身麵，煮得軟硬度適中。配料有大量筍條、木耳絲，感覺好足料。唯一唔滿意係隻蛋唔係溏心，失左分，美中不足。吉列豬扒奄列咖哩飯咖哩飯都係呢到既主打❗️大大塊豬扒炸到金黃，顏色有、份量夠、厚度都唔差。炸皮唔會過厚，豬扒肉質仲好有口感，仍然有肉汁。咖哩汁正常，唔會偏甜，果然唔錯👍🏾吉列炸蝦佢既炸蝦好實肉，係我鐘意既口感🤤係新鮮蝦肉🥰炒魷魚鬚用蒜片炒香，份量多，兩個人食都有點吃力，不過味道好，最後都清晒。燒魚餅普普通通，不過不失啦😎整體呢到既Set 份量夠，價錢抵，雖然味
最近發現寶琳新都城呢邊有間性價比好高既日式餐廳，唔單止有咖哩，仲有壽喜燒、蓋飯同拉麵食。以前成日覺得，餐廳咩食品都有會唔會冇咁專門呢，但呢間既食物都有水準喎，可以一試，最緊要價錢抵❤️❤️
裝修就冇乜特別，位置多，坐得寬敞。今日特別想介紹佢既set 餐，我叫左自選二人餐，可以揀兩款拉麵或飯，加三樣小食，都只係$208。好抵！
我揀左一個豬軟骨拉麵，要額外加$15,同吉列豬扒奄列咖哩飯。小食有成十二款比你揀，我揀左吉列炸蝦、炒魷魚鬚同燒魚餅。
豬軟骨拉麵
豬軟骨炆得好入味，好腍身，一咬就化開。味道有點醋酸味，感覺好開胃，中和左軟骨果種膩感。
麵係幼身麵，煮得軟硬度適中。配料有大量筍條、木耳絲，感覺好足料。唯一唔滿意係隻蛋唔係溏心，失左分，美中不足。
吉列豬扒奄列咖哩飯
咖哩飯都係呢到既主打❗️大大塊豬扒炸到金黃，顏色有、份量夠、厚度都唔差。
炸皮唔會過厚，豬扒肉質仲好有口感，仍然有肉汁。咖哩汁正常，唔會偏甜，果然唔錯👍🏾
吉列炸蝦
佢既炸蝦好實肉，係我鐘意既口感🤤係新鮮蝦肉🥰
炒魷魚鬚
用蒜片炒香，份量多，兩個人食都有點吃力，不過味道好，最後都清晒。
燒魚餅
普普通通，不過不失啦😎
整體呢到既Set 份量夠，價錢抵，雖然味道唔係超級好食，但都有水準，對得住價錢有突啦。
Post
