樂天皇朝 (利舞臺廣場) (Moved) New Location

諗起食上海野，就會諗起樂天皇朝，雖然係來自新加坡，但係我心目中做滬菜最出色的連鎖店。今次去銅鑼灣店，貪佢裝修夠哂“皇朝”。皇朝八色小籠包每次必食，因為真係做到皮薄多汁，而最勁係夾起時外皮乘得起湯汁重量唔穿，入口仲爆汁爆到成隻匙羹滿哂。食呢個小籠包有個要點，要由淡味食到濃味，點菜紙上有夾著順序。由中間原味開始，跟著食綠色的糟溜絲瓜，順時針方向食鵝肝 > 黑松露 > 芝士 > 蟹粉 > 蒜香 > 川味，咁就最能夠品嚐到每一款個別的突出味道。 如黑松露真係見到片黑松露; 芝士味仲有少少拉絲添。蟹粉炒飯好香，金黃色的蟹粉遮哂成個炒飯，仲多過menu張圖會唔會過份咗少少。每一啖都可以食到蟹既鮮味。上海生煎包一份3個，個包十分軟熟，底部脆脆地，少少焦香，雖然放咗一陣先食，都無損美味。豆沙鍋餅個皮脆得黎蛋味亦濃郁，豆沙餡唔會太甜。花生栗子(前菜)唔好忽略呢碟花生，真係淋到無牙佬都食到! 有埋栗子幾特別。