Video
Read full review
2024-01-05
1570 views
估唔到係中環都俾我搵到呢一間🌟素食印度菜🌟🛕VEDA🛕本身素食都會係試啲比較中式嘅嘢，近期都多咗好多歐美菜式嘅素食😆，不過呢一間印度菜就真係第一次試😌，呢度有兩層高，無論係壁畫定係擺設，就算係出邊嘅外牆，都有歐美特色，雖然餐廳座位唔算多，但已經足夠可以聚餐😆今次我哋就揀咗呢一個🌟Tasting Menu $498/p🌟，因為第一次嚟嘅關係，就試吓佢個set，咩都有，呢度為二人份量👏🏻🌟STARTERS TO SHARE首先前菜方面，佢哋總共有五款咁多🥟SILK ROUTE MOMOS :印度菜嘅傳統餃子😍，呢款裏面包咗菠菜同芝士嘅餡料，其實我覺得味道又唔錯，食唔出素食嗰種冇味嘅感覺，另外佢配咗蕃茄酸辣醬，沾落更加惹味😋😋🇮🇳PANI PURI :呢一款就係正宗印度菜式之一😍，無論係賣相定係味道都值得一讚，首先將薄薄嘅烤脆波整一個小洞，之後就可以將鷹嘴豆同薯蓉加落裏面，再倒入特製薄荷醬，一道正宗嘅pani puri就完成啦👍🏻，味道都係相當出色，不過醬汁有啲辣，所以以唔食得辣嘅我嚟講，就真係要忍吓啦😂🍞PANNER CHILLA :另外呢一道菜真心食唔到，但朋友就覺得OK唔錯，辣得來夠惹
估唔到係中環都俾我搵到呢一間🌟素食印度菜🌟🛕VEDA🛕本身素食都會係試啲比較中式嘅嘢，近期都多咗好多歐美菜式嘅素食😆，不過呢一間印度菜就真係第一次試😌，呢度有兩層高，無論係壁畫定係擺設，就算係出邊嘅外牆，都有歐美特色，雖然餐廳座位唔算多，但已經足夠可以聚餐😆
今次我哋就揀咗呢一個🌟Tasting Menu $498/p🌟，因為第一次嚟嘅關係，就試吓佢個set，咩都有，呢度為二人份量👏🏻
🌟STARTERS TO SHARE
首先前菜方面，佢哋總共有五款咁多
🥟SILK ROUTE MOMOS :印度菜嘅傳統餃子😍，呢款裏面包咗菠菜同芝士嘅餡料，其實我覺得味道又唔錯，食唔出素食嗰種冇味嘅感覺，另外佢配咗蕃茄酸辣醬，沾落更加惹味😋😋
🇮🇳PANI PURI :呢一款就係正宗印度菜式之一😍，無論係賣相定係味道都值得一讚，首先將薄薄嘅烤脆波整一個小洞，之後就可以將鷹嘴豆同薯蓉加落裏面，再倒入特製薄荷醬，一道正宗嘅pani puri就完成啦👍🏻，味道都係相當出色，不過醬汁有啲辣，所以以唔食得辣嘅我嚟講，就真係要忍吓啦😂
🍞PANNER CHILLA :另外呢一道菜真心食唔到，但朋友就覺得OK唔錯，辣得來夠惹味，呢一件為印度班戟，裏面都係一啲健康嘅餡料，炸到外脆內軟，又熱辣辣，係唔錯👏🏻👏🏻
💚ALOO MATAR TIKKI :佢係類似土豆餅咁，面層係辣奶油蕃茄，佢係屬於印度嘅街頭小食，裏面好綿，似薯蓉咁，好開胃，本身覺得印度嘢都係唔係好適合港人口味，不過今次試到呢間之後完全係另眼相看👍🏻👍🏻
🥗CHAAT BOMBAY SALAD :最後呢份沙律，估唔到幾特別😆，除咗蔬菜之外仲有鮮橙肉，另外有蘿蔔絲，鷹嘴豆同埋特製醬料，食落甜甜酸酸咁嘅開胃😋😋
🌟MAINS
🥘ALOO GOBI :主菜方面可以揀兩款，我哋就揀咗其中嘅印度特製嘅椰菜花薯仔咖喱，佢哋嘅做法好啱香港人口味，呢個菜式唔辣，黃咖喱比較甜，奶味重👍🏻，將椰菜花切碎再加入薯仔撈勻嘅菜式，另外再加上腰果，口感獨特，配飯一流😋，另外佢哋會跟埋印度烤餅同埋飯，呢個二人餐一定食到飽🤤🤤
🤍PANANG "DRY" TOFU :最後配上一份印度醬料嘅乾豆腐，佢係用咗panang 嘅咖喱，再配以花生碎同香葉，將醬料滲透到豆腐裏面，食起上嚟嘅豆腐特別濃郁👍🏻，味道特別，真係估唔到印度菜喺素食方面都咁高質🩷🩷
🌟DESSERTS :
🍰CHAI MASALA BURNT CHEESECAKE :我哋試咗呢兩款特製嘅甜品，分別係巴斯克紅莓芝士蛋糕，厚身之餘有着濃濃嘅芝士味，焗到有蕉香😍，因為有紅莓果肉嘅關係，食每一啖蛋糕嘅時候都唔會覺得膩，超開胃🤤，size大概係手掌咁大，絕對食得晒🤣🤣
🍐POACHED PEAR :最後呢一款甜品相當出色😍😍，大概感覺就好似水煮梨咁，加入紅酒同糖漿煮至腍身，再配雲呢拿薑奶油同埋合桃粒一齊食，甜得來唔會膩💚，梨肉爽甜，賣相精緻，值得一試🤤🤤🤤
Post
