Video
Read full review
2007-07-23
9 views
尋日下午曬完太陽, 醒起小天使好多人讚, 去試下先. 地方都幾難找, 如果唔係之前去睇過下, 記得響邊, 我唸都要找了耐.6點半去到, 到走都只有我一枱人(兩人), 但佢地話之後full曬喎! 無book位都無得食.兩個人叫左:1)凍螺2)雜菌芝士飯3)豬手4)Tiramisu 甜品凍螺Fresh Jade Wheiks Netura Ice $58 –普通啦! 其實果螺無咩鮮味, 應該係話無咩味, 靠果汁而已, 我本人不太喜歡.雜菌芝士飯Assorted Mushrooms Risotto $78 –初初見碟嘢好細碟, 78蚊咪好唔扺?!但原來食落好”滯”, 可能係硬飯, 又重芝士, 味道都唔錯.豬手Roasted Pork Knuckle w/ Honey Mustard $98 –本來都驚食唔曬, 但男友好鐘意食豬手, 唉! 是但啦! 最多打包. 原來都唔係好大隻, 但d皮都算幾肥膩, 我覺得美利樓果間德國嘢d豬手好食d.甜品–主菜加25蚊可以有一個甜品及一杯飲品, 我要左Tiramisu 同熱檸茶, Tiramisu 唔係幾好食, 應該係話都幾難食, 又有雪味, 大
6點半去到, 到走都只有我一枱人(兩人), 但佢地話之後full曬喎! 無book位都無得食.
兩個人叫左:
1)凍螺
2)雜菌芝士飯
3)豬手
4)Tiramisu 甜品
凍螺Fresh Jade Wheiks Netura Ice $58 –普通啦! 其實果螺無咩鮮味, 應該係話無咩味, 靠果汁而已, 我本人不太喜歡.
雜菌芝士飯Assorted Mushrooms Risotto $78 –初初見碟嘢好細碟, 78蚊咪好唔扺?!但原來食落好”滯”, 可能係硬飯, 又重芝士, 味道都唔錯.
豬手Roasted Pork Knuckle w/ Honey Mustard $98 –本來都驚食唔曬, 但男友好鐘意食豬手, 唉! 是但啦! 最多打包. 原來都唔係好大隻, 但d皮都算幾肥膩, 我覺得美利樓果間德國嘢d豬手好食d.
甜品–主菜加25蚊可以有一個甜品及一杯飲品, 我要左Tiramisu 同熱檸茶, Tiramisu 唔係幾好食, 應該係話都幾難食, 又有雪味, 大家可以唔叫.
服務都算唔錯, 可能得我地一枱, 成日幫我地換碟. 不過我自己唔係好慣叔叔輩招呼我, 總覺得唔係幾好意思禁, 好係要爸爸招呼個女禁!
其實都算幾貴! 不過比起近大街的餐廳, 佢又差唔多價錢, 不過好食d, 唔係成日食都可以接受.
有下次, 我想試下pizza 麻!
Post