車仔麵之家 (Closed)

家住九龍，真係好少出北角，所以都唔知有咩好食。所以就跟住港島既朋友仔去左間位置唔係大街既餐廳，但都係MTR出口行2分鐘左右就到朋友極推呢到既炸豬扒，所以我都有叫到幼麵 + 炸豬扒 + 豬大腸 + 咖哩魷魚 ，仲嗌左小辣。辣醬原來係用SPOON另上，好少係茶記等餐廳見到咁貼心既服務。炸豬扒果然炸得靚，金黃色得黎，仲有D酥炸位，一睇就知香口。豬扒醃得好，肉質鬆軟，零雪味，近骨位滑滑的部份更是十分正。再介紹埋佢地既推介菜 -咖哩魷魚，夠辣，唔同出面大部份既咖哩魷魚，只有咖哩香，並無辣。呢到個咖哩就又香又辣(小辣)，幾惹味，魷魚爽身，是不錯的。(但由於我只係食到7小辣既關係，中途加左枝豆漿)湯底唔會太濃同油膩，唔會食到一半覺得好味精，呢樣覺得幾讚。同埋呢到落單係先比錢，再等號碼，出餐速度好快。感覺呢間係用心做好既小店，值得支持。