周記油渣麵 (Closed)

對於油渣麵,我真係無咩概念.有一個星期,去左深水埗覓食,所以就抱住一試無妨既心態去食.麵應該係上海麵,無咩特別,唔索湯味,份量適中.油渣,林的,肥既部分都幾多.回家問阿爸,阿爸話油渣係炸完油既肥膏,d油都炸曬出黎,仲點會係肥?!所以,我諗我食緊果碗,最多只可以叫佢肥豬肉麵,唔覺有炸過,又或者可能煮到林晒.辣菜甫同冬菜任食,由於個湯本來無味,食食下都幾寡,加左一大配菜同調味料後先覺得好食!有人搭台叫瘦渣面,睇落瘦既同我果碗無咩分別.$22一碗應該幾好賺.另外貓仔食紫菜魚肉麵,份量夠,不過d魚肉係街邊生菜魚肉d魚肉,膠多過魚,賣$25碗賺到佢笑.呢間試過就算,好食油渣就繼續尋覓.