URBAN Café Commune (屯門市廣場) (Closed)

有個朋友長期都唔約下食飯，突然今日send WhatsApp 黎約食飯，咁岩我又講左唔返屋企食飯就同佢去屯門呢間試下啦！可能今日係星期一啦無咩人黎食，坐個好啲既卡位。我仲以為有Dinner set叫，點之都係散叫加$25有湯同飲品。兩個人叫左三樣野，漢堡、牛扒、意粉。牛扒叫左5成熟，有少少黑椒調味都唔錯，牛肉味重，都夠冧。漢堡一向都係我至愛肉同芝士係最夾，肉汁多到流哂出黎，正。意粉我一向都麻麻地，呢個意粉酸酸辣辣都幾開胃。整體都可以，但上菜太快了，搞到啲野都涷哂。