賞茶 (Closed)

又到食晏時間，本身想試新開嘅印尼餐廳，但已經滿座，唯有即刻轉場。我同同事見大家都未食過賞茶，又唔洗等位，就一於試下吧😜。以我所知，唔係間間賞茶都有得堂食，有啲淨係賣茶飲；而深水埗呢間就有大約廿個座位。客人係自行去收銀處點餐，再等店員送餐🙏🏻。座位唔多，但都尚算坐得舒服，環境以綠色為主色，望落好放鬆🍀。餐廳有做午市套餐同下午茶餐，午餐有十款揀，清一色$53，包一杯500ml指定飲品🥤，例如極品賞奶茶、蜂蜜綠、黃金烏龍、冬瓜茶等。如果轉餐牌上其他飲品就加$10，同大杯啲。我要咗L7鹽酥一口雞拼貢丸沙茶乾拌新竹米粉，唔係馬後砲，就咁望個賣相都已經覺得唔好食，勁唔吸引。貢丸得兩粒，🐔鹽酥一口雞就有三至四件，但每件個炸皮都厚過港女個妝，啲肉就鞋過老火湯豬肉😡。除咗餸之外，沙茶乾拌新竹米粉都好唔掂下...。首先佢唔係新竹米粉，我認知中應該係比較幼同無咁淋身。再者就係個沙茶醬簡直不知所謂，正常應該比沙嗲醬更要濃，但佢淡而無味得嚟，仲要勁水、勁少😑。唯一無劣評嘅地方就係份量無想像中咁少。L4台式肉燥排骨飯，呢個係我同事點嘅，我食咗淡，味道就普普通通😶，好似都有啲油...。最搞笑嘅地方係店員送餐時放低咗