Video
Read full review
2021-10-25
1643 views
話說我有粒細細粒嘅為食癦，粒野係神奇到求其揀間餐廳都唔會難食得去邊，所以我一路都冇試過求其揀餐廳會揀到難食嘅餐廳😛點知粒癦嗰日暫時失靈，搞到我食咗兩餐劣食😅午餐再同大家分享，講咗個晚餐先🥲-🐟煙三文魚配青醬意粉 (set $108)煙三文魚唔多，同埋都唔大塊🤔仲有認真覺得食落似炒麵多過青醬意粉😅如果唔講佢係青醬意粉，以炒麵嚟講個味都OK😂fyi同行朋友話似羅宋湯味😓-🍲香煎帶子配野菌黑松露奶油意粉(set $108)帶子食落口幾嫩但係煎得唔夠香，個意粉黑松露味都有但係都俾浸忌廉味遮住晒咁制🥲同埋雖然嗰時好肚餓，但係食落都係覺得幾漏，可能忌廉味太重太厚☹️而且份量偏少，帶子都幾細粒🧐-🥗是日沙律 (set)一拎上枱，浸沙律醬嘅味聞落就有少少酸酸縮縮，抱住唔浪費食物嘅精神，我食咗兩啖，只能夠話真係唔好食😅同埋食落偏酸，份量亦唔多，用麻醬可能會好食啲😅😅-🥣南瓜餐湯 (set)呢碗湯嘅味道正正常常，飲落幾甜，唔會太稀，好似係成餐飯我覺得最好食嘅野😛-🍊特盛水果茶 (set drink)飲落少少淡但係都有水果味，不過係普通size嘅杯，唔知邊度特盛😅杯茶唔多水果，有薄薄地嘅兩片橙，一片蘋果，同一
-
🐟煙三文魚配青醬意粉 (set $108)
煙三文魚唔多，同埋都唔大塊🤔仲有認真覺得食落似炒麵多過青醬意粉😅如果唔講佢係青醬意粉，以炒麵嚟講個味都OK😂fyi同行朋友話似羅宋湯味😓
-
🍲香煎帶子配野菌黑松露奶油意粉(set $108)
帶子食落口幾嫩但係煎得唔夠香，個意粉黑松露味都有但係都俾浸忌廉味遮住晒咁制🥲同埋雖然嗰時好肚餓，但係食落都係覺得幾漏，可能忌廉味太重太厚☹️而且份量偏少，帶子都幾細粒🧐
-
🥗是日沙律 (set)
一拎上枱，浸沙律醬嘅味聞落就有少少酸酸縮縮，抱住唔浪費食物嘅精神，我食咗兩啖，只能夠話真係唔好食😅同埋食落偏酸，份量亦唔多，用麻醬可能會好食啲😅😅
-
🥣南瓜餐湯 (set)
呢碗湯嘅味道正正常常，飲落幾甜，唔會太稀，好似係成餐飯我覺得最好食嘅野😛
-
🍊特盛水果茶 (set drink)
飲落少少淡但係都有水果味，不過係普通size嘅杯，唔知邊度特盛😅杯茶唔多水果，有薄薄地嘅兩片橙，一片蘋果，同一小塊哈密瓜🧐不過跟餐嚟講算係咁，所以唔彈太多🙏🏼
-
椰子雪糕 (set)
是日雪糕有得揀椰子同菠蘿味，我同朋友都揀咗椰子味，食落冇乜特別，就係雀巢雪糕咁味😂不過唔知點解越食越冇味🤔
-
本身見到呢間係木金餃子嘅姐妹店，諗住味道都唔會差得去邊，點知就😅有set係好似好抵，不過咁嘅味道俾更多野我食都冇咩用..同埋唔知係咪趕收工，嗰日有位店員嘅服務態度真係麻麻，碟意粉一野達落我哋枱面，當場俾佢嚇一嚇😓同埋呢間都淨係收現金😗
Post