Video
Read full review
2011-10-09
32 views
試業期間幫趁, 有河原成美坐鎮, 味道應該唔會同日本差很多.叫左赤丸新味, 同豬頸肉, 本黎想叫埋半熟蛋但係賣晒.赤丸新味吃唔出同日本有乜唔同, 但略嫌肥左少少. 而豬頸肉就唔知係咪食慣香港/泰國 style, 佢係白雪雪的, 無燒過. 味道尚可.反而服務就有改善空間. 好多時侍應出入廚房, 都會學足日本咁嗌一句日文, 但係佢地真係嗌出聲就算, 果句都唔知係講乜.另外就係埋單安排, 日本一般係好似香港茶餐廳咁拎單出去埋, 而香港亦都係放左張單係檯面, 點知我行到中途有侍應話 "係度埋就得", 但係只係差幾步就到收銀. 咁我究竟應該行返埋位定係點呢? 個侍應攪到我好尷尬, 好似佢捉到我地食霸王餐咁.之但係門口 reception 個女仔又好好人, 又問好唔好食, 又記得我之前太早黎未開摸門釘. 加上係 Facebook 反映左問題佢地都樂意聆聽及改善, 唔似得某 D 餐廳咁掉返轉頭鬧客. 所以服務方面我相信佢地慢慢會做返好.不過坦白講, 個人覺得一風堂比唔上一蘭好食, 可惜香港冇分店.
叫左赤丸新味, 同豬頸肉, 本黎想叫埋半熟蛋但係賣晒.
赤丸新味吃唔出同日本有乜唔同, 但略嫌肥左少少.
而豬頸肉就唔知係咪食慣香港/泰國 style, 佢係白雪雪的, 無燒過. 味道尚可.反而服務就有改善空間. 好多時侍應出入廚房, 都會學足日本咁嗌一句日文, 但係佢地真係嗌出聲就算, 果句都唔知係講乜.
另外就係埋單安排, 日本一般係好似香港茶餐廳咁拎單出去埋, 而香港亦都係放左張單係檯面, 點知我行到中途有侍應話 "係度埋就得", 但係只係差幾步就到收銀. 咁我究竟應該行返埋位定係點呢? 個侍應攪到我好尷尬, 好似佢捉到我地食霸王餐咁.
之但係門口 reception 個女仔又好好人, 又問好唔好食, 又記得我之前太早黎未開摸門釘. 加上係 Facebook 反映左問題佢地都樂意聆聽及改善, 唔似得某 D 餐廳咁掉返轉頭鬧客. 所以服務方面我相信佢地慢慢會做返好.
不過坦白講, 個人覺得一風堂比唔上一蘭好食, 可惜香港冇分店.
Post
