SOLO UDON ソロうどん (Closed)

餐廳係用自助式點餐，界面都易用，亦會有店員輔助你用，舖頭入面係單人座，如果同朋友食飯傾偈就會冇咁方便。講返食物，叫咗一碗雞白湯叉燒烏冬同加咗份天婦羅炸蝦（2隻）。雞白湯味道不錯，入口都飲到雞湯香，亦唔會太稠令到食落好滯；叉燒略嫌薄咗啲，但食落有豬味，亦唔鞋身同唔會太肥太油膩；但烏冬卻令人失望，完全唔彈牙，唔講都唔知係烏冬。至於炸蝦都幾香，係唯一嫌炸粉太薄，同35蚊2隻有啲太貴，蝦又唔係大隻。味道整體都OK，麵88蚊，炸蝦35蚊，埋單123蚊又食唔飽有啲唔抵。食量大啲嘅朋友嗌中size應該唔會夠飽，嗌大要加10蚊，個人覺得偶爾食一次就OK。