Video
Read full review
2021-07-24
577 views
見宋王臺站通車 專登去九龍城搵泰國菜食不過太多間泰國菜真係唔識揀最後喺朋友介紹吓試咗依間金泰燒烤我哋6:30之前去到 見到都要排隊喇入面環境比較細只得五六張枱左右而且裝修比較普通 都有擔心過質素如何不過出面都已經有成四五個人等緊 可能質素都有保證 所以決定試一試大概等咗大半個鐘終於有位我哋三個人叫咗細嘅冬陰公湯一份黃咖喱炒大蜆仲有馬拉盞炒通菜飲品叫咗椰子冰沙同埋椰汁三色冰落單時職員問冬陰功要大份定細份大份三至四人份量 而細份大概兩人份量我哋想留肚試多啲其他食品款式所以叫咗細份黎到發現三個人一人一碗 其實都仲有剩冬陰公嘅味道正正常常 小辣 一般酸 椰汁味正常 香料味較重朋友覺得幾好飲 我就覺得唔夠辣唔夠酸啦不過湯既配菜好足料 飲落好滿足黃咖喱炒大蜆 一開始佢哋上錯咗炒蜆俾我哋啊之後再整過 唔知係咪就咁加返啲咖哩就出嚟依碟咖喱食落感覺有啲浠 好重水份同油份 同我想像較傑身嘅咖喱有啲出入味道唔辣 椰汁味同甜味重不過蜆嘅數量真係唔多依碟餸用嚟撈飯都唔錯嘅馬拉盞炒通菜 調味偏淡 不過菜既口感炒得剛剛好份量都好足最後飲品椰子冰沙同椰汁三色冰都一般咋冰沙嘅味道都係好淡 椰汁三色冰奶味好重 個人認為甜
見宋王臺站通車 專登去九龍城搵泰國菜食
不過太多間泰國菜真係唔識揀
最後喺朋友介紹吓試咗依間金泰燒烤
我哋6:30之前去到 見到都要排隊喇
入面環境比較細只得五六張枱左右
而且裝修比較普通 都有擔心過質素如何
不過出面都已經有成四五個人等緊 可能質素都有保證 所以決定試一試
大概等咗大半個鐘終於有位
我哋三個人叫咗細嘅冬陰公湯
一份黃咖喱炒大蜆
仲有馬拉盞炒通菜
飲品叫咗椰子冰沙同埋椰汁三色冰
落單時職員問冬陰功要大份定細份
大份三至四人份量 而細份大概兩人份量
我哋想留肚試多啲其他食品款式所以叫咗細份
黎到發現三個人一人一碗 其實都仲有剩
冬陰公嘅味道正正常常 小辣 一般酸 椰汁味正常 香料味較重
朋友覺得幾好飲 我就覺得唔夠辣唔夠酸啦
不過湯既配菜好足料 飲落好滿足
黃咖喱炒大蜆 一開始佢哋上錯咗炒蜆俾我哋啊
之後再整過 唔知係咪就咁加返啲咖哩就出嚟
依碟咖喱食落感覺有啲浠 好重水份同油份 同我想像較傑身嘅咖喱有啲出入
味道唔辣 椰汁味同甜味重
不過蜆嘅數量真係唔多
依碟餸用嚟撈飯都唔錯嘅
馬拉盞炒通菜 調味偏淡 不過菜既口感炒得剛剛好
份量都好足
最後飲品椰子冰沙同椰汁三色冰都一般咋
冰沙嘅味道都係好淡 椰汁三色冰奶味好重 個人認為甜度可以多少少
整體來講呢間餐廳嘅食物調味好似爭少少
但賣相份量同火候等等各方面都唔錯嘅
Post
