來多碗車仔麵 (康寧道)

Open Now

Now Closed

呢間舖頭嘅鋪面都算乾淨，坐位比較多，都坐得幾闊，兩個人都可以坐一個4人卡位。首先喺舖頭嘅門口排隊叫嘢食，即刻俾錢嘅形式。呢種形式都有個好處，係可以即刻見到嘢食嘅樣貌，再諗吓自己想食咩。我叫咗通菜，豬耳，冬菇，魷魚，豬腸。佢嘅量都算多，每樣都唔少，而且味道都夠嘅。我覺得魷魚唔錯，有少少甜甜辣辣嘅感覺！佢個湯底都算係熱嘅，呢樣都重要！湯底嘅味道就還可以，佢係有味，但係唔係好好飲嗰隻。佢個價錢都算抵食，咁大碗咁多餸都係叫咗50幾蚊！間唔中經過都可以再食。