錦麗 (世貿中心) (Closed)

話說某次同朋友去左某間錦麗食粉麵，只是求其tag一間錦麗，因為唔想直接話邊一間，本人所講既野亦都係事實，不喜勿插~個日我地係門口排隊啦，到服務員話有位嗱，我地就跟住入去，點知係搭枱既，門口個位服務員又冇問介唔介意搭枱😅，入到去我地話唔想搭枱，因我地唔知係搭枱，跟住餐廳入面o個位服務員話，如果唔搭枱就要隊尾重頭排過，真係痴線，就算要等有位，都唔應該係隊尾排過咯，之後佢先話咁門口等陣，下張有位先比我地~ 我唔係話客人永遠是對的，但唔應該係咁既服務態度。。。講番食物，我地叫左生牛肉湯粉同牛丸湯粉，2碗都好好味，牛丸仲好彈牙總結，食物好食，服務態度有進步空間，咁樣餐廳先會愈來愈好， 祝事業蒸蒸日上