Gastrobox by Okapi Cafe (Closed)

朋友生日，諗住入西貢靜靜地避世慶祝，見呢間門面ok 好似幾多好評，點知理想與現實往往不符。鋪面好細，但枱又好迫，訂枱嗰時見到價錢定位仲諗住環境應該ok, 有點失望但都算啦香港有邊度食野唔迫。干邑龍蝦湯，味係ok 但太稀唔rich等左一個鐘左右，"五成熟" 嘅西冷扒，尾嗰邊完全係十成熟，火喉控制明顯唔得。味就ok嘅，覺得有啲浪費咗塊扒。(隔離枱都叫左，叫三成熟但仲熟過我嗰塊，因為張枱太近所以睇到）另外叫左兩個side dish, 薯條同埋雜菌，因為毫無特別所以冇影，而side dish 係等左個半鐘先黎，扒都食完啦。最後就係等左個半鐘先到嘅鵝肝意大利飯，公道啲講，份量足味道都唔差，只係等左太耐乜胃口都冇。老實講，呢個價錢我唔會expect 咁嘅服務，成餐飯冇人主動加水，追單佢地嘅態度亦唔好。冇錯去西貢想慢活，但等個半鐘先黎個飯係接受唔到，而環境亦係坐得唔舒服唔可以好好傾計。我明weekend 會忙，唔夠人手，咁就唔好塞咁多位啦，辛苦自己辛苦客人。咁嘅價錢咁嘅環境態度，冇下次。