Video
Read full review
2014-10-09
5416 views
之前食過LabMade嘅分子雪糕，對其印象麻麻，其實對分子雪糕算不上好大興趣，因為感覺「卓頭」嘢過於實際，只喺搵液態氮嚟「急凍」啲雪糕漿，總感覺欠缺分子料理嘅精神，即喺味道或形態都喺你估佢唔到。仲記得以前睇開日本嘅鐵人料理，唔記得喺煮法國菜嘅坂井宏行，抑或煮日本菜嘅道場六三郎，十之有七次都喺將大會指定食材搞爛做雪糕，佢啲味道就真喺你估佢唔到喇！從雜誌所見，新開無耐嘅IcePop主力又喺賣分子雪糕，試圖晌依個市場分一杯羹，不過，吸引我唔喺佢嘅雪糕，而喺文章提及嘅店主「藍帶女廚」，既然學咗一身好武功，又加上見佢啲蛋糕賣得相當平，當然要見識一下啦。門口個霓虹招牌已十分之搶眼，開放式廚房設於鋪面位置，時時刻刻都煙霧瀰漫，睇住啲店員不斷製作分子雪糕，既吸引街外遊人，又可以當作為娛樂一下客人，等候期間睇吓都幾過癮。而店內環境以黑白為主色調，襯以不少玻璃裝飾，全場廿零個座位，都喺高腳枱櫈，就連玻璃枱面都喺啲跟分子雪糕相關嘅繪圖，有趣兼型格。再者，地方都算闊落，有得坐又有冷氣嘆，唔怕日曬或雨淋，天熱又唔怕雪糕溶得快，相信比起晌LabMade買完晌街上食，就更有吸引力。其實，分子雪糕以外，IcePop都
從雜誌所見，新開無耐嘅IcePop主力又喺賣分子雪糕，試圖晌依個市場分一杯羹，不過，吸引我唔喺佢嘅雪糕，而喺文章提及嘅店主「藍帶女廚」，既然學咗一身好武功，又加上見佢啲蛋糕賣得相當平，當然要見識一下啦。
門口個霓虹招牌已十分之搶眼，開放式廚房設於鋪面位置，時時刻刻都煙霧瀰漫，睇住啲店員不斷製作分子雪糕，既吸引街外遊人，又可以當作為娛樂一下客人，等候期間睇吓都幾過癮。
而店內環境以黑白為主色調，襯以不少玻璃裝飾，全場廿零個座位，都喺高腳枱櫈，就連玻璃枱面都喺啲跟分子雪糕相關嘅繪圖，有趣兼型格。再者，地方都算闊落，有得坐又有冷氣嘆，唔怕日曬或雨淋，天熱又唔怕雪糕溶得快，相信比起晌LabMade買完晌街上食，就更有吸引力。
其實，分子雪糕以外，IcePop都有幾多嘢賣，蛋糕就唔在講，仲有超多飲品選擇，礦泉水、有氣果汁、咖啡、西茶、朱古力、鮮果沙冰超過30多款，所以，嚟到唔食雪糕，都可以飲杯嘢。
從凍櫃所見，是日蛋糕共有4款，分別喺紐約芝士蛋糕（$28）、芒果蛋糕（$30）、香芒天使（$32）、檸檬蛋糕（$30），全部都喺由女店主每日自家製，最後，揀咗最後兩款蛋糕一試。
香芒天使 $32香芒天使大抵就喺晌台灣常見嘅雪莓娘，外皮超軟綿，黏柔帶有少少韌勁，厚薄適中，而內裡注滿幼滑少膩嘅忌廉及清甜香濃嘅芒果肉，用料一啲都無欺場，食一個真喺好叫人有滿足感。
檸檬蛋糕 $30從其他食評所見，跟之前賣開嘅柑橘蛋糕（$30）極之相似，唔講以為大家食緊同一款蛋糕添，明顯喺做法一樣，味道稍微轉變，建議店主可將兩者晌裝飾上再下點功夫，例如柑橘蛋糕可加點蜜餞橙乾，檸檬蛋糕可加片烘透嘅檸檬片，令到賣相有所區分。講番個檸檬蛋糕，層層相間，蛋糕底加有杏仁碎，多份咬口，而檸檬軟漿清新唔太酸，面層嘅忌廉打得柔滑少甜不膩，質素真喺有啲水準，唯賣相、擺碟仍有改善空間。
鮮奶瑪琪朵Latte Macchiato $36當晚見到灣仔OVO Café個老闆Felix晌度搞咖啡，以前跟過佢學拉花（一堂過貪玩嗰啲），當然我認出佢，而佢唔識得我啦。原來，佢晌依度幫手做咖啡顧問，順便培訓啲新人，故此即場再點杯鮮奶瑪琪朵，由大師沖泡兼拉花，認真有幸，睇睇個美女圖案，圖案複雜，線條細緻，而咖啡香有餘韻，奶泡又超幼滑，不愧大師傑作。
IcePop比起一般雪糕店多元化好多，所以，客路亦應該會闊一啲。而以客人而言，多元化好處就喺幾個朋友嚟到，唔一定要飲雪糕，可以各有所好。
Post
