牛気 (屯門市廣場1期)

Open Now

Now Closed

今晚同朋友到此食飯，過程體驗算合格，直到交枱前半個鐘有女職員要求找數先，都沒問題，年輕職員好有禮貌。但到交枱前兩分鐘，黑衫五十多歲的黑衫男職員出場，行過腳停步，一路行一路講夠鐘起身交枱，我睇電話仲有兩分鐘，我位女性朋剛剛開始食甜品，我見有1，2分鐘夠攞個雪糕，男人通常兩分鐘就食完，當我攞緊雪糕時，黑衫男職員背後沖出來呼喝我，夠鐘唔可以再攞野食，我睇手機剛剛夠鐘，好，算，返位等朋友食完走，我朋友係女仔食得比較慢，我見9點半都冇新客入來，諗住唔阻人做生意，等我朋友食完先走，其實早十幾分鐘已經關爐，十分鐘後個黑衫男職員沖過來呼喝我兩：十分鐘啦～再唔走，加你地鐘錢。（講左兩次）當時我差啲發火，佢就閃走左。我朋友都開始嬲嬲地，為唔想影響心情，決定立即起身走。講還講，洗唔洗呼喝人掛，趕客走，已經冇客入場仲要呼喝啲客走。怪不得咁多香港人北上消費，香港飲食業就係比呢種人整死。唔想影響其他年輕員工，我重申，年輕員工服務態度非常好，只係呢個老男人映衰其他員工及公司。我已經決定列牛氣為黑名單，不再幫。