Video
Introduction
It offers all-you-can-eat Japanese hotpot and sukiyaki and provides numbers of soup for you. Many different types of the toppings and other ingredients can be choosing. It also has cooked food, snack and desserts like frozen yogurts.
continue reading
Opening Hours
Today
11:30 - 23:00
Mon - Sun
11:30 - 23:00
*Last order: 22:30
Above information is for reference only. Please check details with the restaurant.
About Reward Scheme
天氣轉涼又係最適合打邊爐嘅時候，經過「牛気」見到火鍋之餘仲有「和洋祭」，一於黎滾一滾。放題有6個level可以選擇，豐儉由人，最後我地揀咗level 4，有澳洲穀飼黑安格斯牛及SRF美國極黑牛，仲有好多款海鮮，加十蚊可以有鴛鴦湯底，啱晒同太太一人一口味，最後揀咗黑蒜豚骨湯及蕃茄濃湯。湯底未到之前，先出去熟食區睇下呢個「和洋祭」，有好多嘢食，當中最吸引一定係關東煮，有魚糕、蘿蔔、冬菇等等，湯汁清甜，每樣都好入味；另外日式蟹棒冷豆腐好香滑，加上蟹棒及木魚絲，食落好清新。返到位湯底同肉已經到齊喇，第一round梗係每款肉都試下。個人最喜歡美國極黑牛，牛味好濃郁；澳洲穀飼黑安格斯牛肉質較柔軟，切得唔會太厚，淥十幾秒就食得；而牛小排及肉眼食落都唔錯。海鮮有大蝦、水魷魚及帆立貝等等，當中大蝦新鮮爽口，帆立貝亦好鮮甜，另外特別推薦極上蝦滑，好多蝦肉夠晒彈牙，啱晒懶得剝殼嘅我地。另外仲有三文魚刺身，厚切鮮甜，忍唔住encore咗幾次。出面自助區亦有多款丸、菇及菜，仲有牛気自家製麻吉燒，淥完後味道外鹹內甜，煙煙韌韌口感好過癮。飲品都有好多種類，有糖無糖嘅都有，亦有咖啡及茶。最後梗係要食埋甜品，除咗自助雪糕外，亦有中式糖水及豆腐花，仲可以自製棉花糖，亦叫咗楊枝金露，細細樽包裝得好可愛。埋單仲送一把遮，又食又拎真開心。
continue reading
在屯門市廣場的牛気放題，服務十分好，這次晚餐體驗值得分享。來到門口，職員會先介紹不同放題套餐有什麼分別，惠顧level 4以上的放題套餐，就可以包括和洋祭餐牌的食物，有燒生蠔，我們就選level 4 $338一位的放題吧！選好放題然後選湯底，加$10可轉鴛鴦鍋，這樣最好，可配合各人口味。職員還介紹，如果拍攝火鍋照片或祈願板，在社交平台打卡，送御守一個，很漂亮！我們都很喜歡呢！一入坐便有禮物了！上菜速度很快，level 4 套餐包括澳洲穀飼黑安格斯牛和美國極黑牛放題，加海鮮放題，食物選擇充足。如果想點和洋祭的燒生蠔，職員提我們要早些下單，因為生蠔是即開即燒的，要大約20分鐘。套餐隨即上桌，湯底也熱得快。一款是黑蒜豚骨湯，一款是日式牛骨濃湯。食物煮在牛骨湯裏味道夠濃，有微辣，可以不點醬料，而黑蒜豚骨湯味道很香甜，大家一致喜歡。SRF美國極黑牛非常好吃，肉質爽，牛肉味濃；澳洲穀飼安格斯牛，肉質較結實，牛肉味也香；我們比較喜歡美國極黑牛的口感，一再翻點；穀飼牛肩肉質比較普通，一般放題都食到，所以主打要吃SRF美國極黑牛和澳洲穀飼安格斯牛。海鮮放題，我們最喜歡大蝦，非常新鮮大隻，咬下爽口鮮甜；水魷魚都非常好吃，煙韌軟滑，與其他放題餐廳有分別，新鮮是吃得出的。還有大片花膠，女士至愛。另外還有青口、帆立貝、脆鯛魚片等等，質素都上乘，很新鮮。三文魚刺身，也是包括在海鮮放題裏呢！而和洋祭的食物值得一試，因為日式蟹棒冷豆腐，在日式餐廳吃也不便宜，這個冷豆腐口感香滑，灑上蟹棒肉碎和木魚絲，味道鮮香很好吃。大讚美式煙肉白汁焗生蠔，真的非常鮮嫩，有白汁焗完，仍然吃到海水味，鹹度適中，可以無限追加，要提早下單啊！要提特色甜品日式朱古力大福，非常好味！絕對有和果子店舖水準。朱古力味最受歡迎，咬下外層軟糯，朱古力cream香滑不會太甜，入口即溶的感覺超治愈！自助區有關東煮，是我最喜歡的。湯底味道香甜，煮在裏面的食物已經非常入味，最喜歡蘿蔔和芋絲，吸收湯味超好吃。丸類和蔬菜類，款式齊全，都很新鮮。還有炸物放在熱櫃內，保持溫度和香脆口感。最後來杯低糖牛奶軟雪糕，隨意加小熊軟糖和棉花糖，漂亮又好吃，有得食有得玩。由於吃得很滿意，朋友決定做會員，即時送了會員禮物，是牛気的雨傘和鎖匙扣，真的吃得滿載而歸了。
continue reading
天氣凍冰冰，當然最好就係打邊爐啦，而打邊爐，我就比較鐘意任食，唔駛就住就住，可以瘋狂食想食嘅野！由門口望入去，已經可以見到琳瑯滿目嘅自助吧，而餐牌有唔同嘅set可以揀，我同朋友見到level 4有人氣嘅牌仔，有澳洲穀飼黑安格斯牛及SRF美國極黑牛，睇落都唔錯，就揀佢啦！而湯底就揀咗鴛鴦鍋，由於朋友唔食得辣，所以就分別揀咗秘傳牛肉清湯，同月見壽喜湯。兩個都比較唔會太濃味，咁就可以冇咁膩，食多d野啦！作為一個肥牛殺手，難得見到個餐有唔同款牛肉，當然要先試晒佢地，再揀某款黎專攻，咁就最乎合經濟利益喇！除咗澳洲穀飼黑安格斯牛及SRF美國極黑牛，個餐仲有prime美國肩胛肉眼同特選牛小排。首先澳洲穀飼黑安格斯牛係偏油脂豐富d，食落去油香多d，而SRF美國極黑牛相對上就瘦少少，但大大塊，加隻生雞蛋變壽喜燒就最適合！而prime美國肩胛肉眼就再瘦d，但牛味都幾濃，最特選牛小排就口感偏爽。每一款牛都各有千秋，人人都可以跟隨自己喜好去揀。除咗牛肉，手機仲可以點其他野食，當中最特別一定係牛骨髓，依樣未必到到有得食，煮唔駛好耐，滑溜嘅口感加上湯底香味，好特別。海鮮都相當多，有帆立貝、青口，大頭蝦等等。普遍都夠新鮮，仲有唔係到到有嘅花膠，正！自助吧有好多野食揀，當中粟米大推，新鮮爽甜，而芋頭都好夠粉。而菇類都好豐富，基本上你講得出嘅菇類都會有。比較特別係有關東煮拎，立即和風出晒黎。炸物都有得拎，炸天婦羅外層夠香脆，炸榴槤球內面d榴槤肉一咬即爆出黎，愛好榴槤者不能錯過。甜品亦係不容忽視嘅一環，有軟雪糕、雪條、黑白豆腐花、馬卡龍等等。我試完各樣，最鐘意係脆皮Tiramisu大福，外層係朱古力脆皮，包住糯米糍，再入面係Tiramisu嘅醬，口感勁豐富，下次一定要留肚食多幾個！🍽 牛気📌 屯門屯順街1號屯門市廣場1期3樓3235, 3236, 3237 & 3239號舖☎️ 2363 3181⏰ 星期一至日 11:30 - 23:00 #JANPAN #打邊爐 #肥牛殺手 #HK #FOODIE
continue reading
天氣一凍淨係想打邊爐🫣第一次晚市食牛気揀左貴少少既Lv4套餐🖤澳洲穀飼黑安格斯牛+🖤SRF美國極黑牛+🖤海鮮放題滿足哂食牛既肥仔同食海鮮既我💕🇦🇺牛比較嫩 🇺🇸牛比較濃味雖然係急凍帆立貝，但size有手掌甘大😍蝦🦐同花膠都👍🏻👍🏻✔️本地水耕菜比較特別既係有紫羽衣甘藍同水蓮✔️黃金蝦丸入面係流心咸蛋黃好邪惡👿但好好食🥹✔️蝦滑好大粒蝦肉，超級推🙌🏻✔️木瓜雪耳糖水打完邊爐食返碗滋潤既糖水作結超滿足🥰甜度適中又夠潤連肥仔都encore😝其實仲有好多小食熟食甜品雪糕90分鐘真係有啲趕如果可以加錢食耐啲就好😙可以再戰😎
continue reading
牛気最近搞緊和洋祭同lv5 以上和牛無限追加～無論係熟食、牛肉、甜品都好多吸引款式😍😍湯底叫咗豚骨拼牛骨，2款都好濃味，牛骨就辣辣地更惹味👍🏻👍🏻日式蟹棒冷豆腐，好滑好嫩，醬汁少少酸好吊味，作為前菜一流菜同丸呢啲火鍋料就基本都有，見到特別啲有紫羽衣甘藍！另外熟食有肉丸、炸蝦都幾好味🤤紅酒燉牛肉超級入味！有得叫三文魚刺身，新鮮香甜😁重點係和牛！分別有澳洲極上和牛、日本九洲和牛肩胛肉眼鍾意油脂香就一定係食日本，但怕太油膩，澳洲和牛就恰到好處😉海鮮都大大份，好多款！最後當然要食軟雪糕～～乳酪味同咖啡拖肥味都超好食！最後飽到要捧住個肚走啦～
continue reading