Video
Read full review
2017-07-07
1055 views
第一次 5 粒星，第二次 4 粒星，今次專登大力推介帶女友品嚐。第一次午市幫襯定食，第一次主要食壽司，之前只試過海膽軍艦及海膽手卷。士別三日質素一落千丈，誰知居然跌到只得 1 粒星。樣樣都強差人意，難食到自盡，食到咀妙妙想掉低唔食囉！被責罵，被埋怨了。完全唔夠飽，想試多個拉麵但被女友阻止，慳返啲錢去第間再食過啦。中華沙律，Cheap cheap cheap 前菜。最討厭辣味螺頭，第二就係中菜沙律，難登大雅之堂，求其成注塞入口算，比枝豆或漬物會開心好多。麻油味，甜笠笠，爽爽海藻。湯烏冬，跟餐的。劣質硬實即食烏冬半份，油渣麵的質感，加上微溫蔥味濃郁淡口鰹魚湯，食開手打烏冬其他的接受不了。壽司併盤，凍冰冰半點暖意也沒有，您估食冷盤咩！壽司飯濕爛漿嘴無味，只有倒汗水味道，反卷更加嚴重！蟹子炸蝦反卷，同樣冰凍，整左幾耐架？層飯皮乾爭爭，漿糊半乾狀態，膠膠黏黏，橡膠皮乎？蟹子手卷，女友不食蟹子的，立令我要負責消滅。除了紫菜非常香脆外，無味爛飯實在難受得了，直接敷衍吞下算罷。熟蝦壽司，廿成熟無味硬實蝦，死氣沈沈的味道。魚生壽司，魚生淡而無味，瘦猛猛又乾爭爭，無鮮味無甜味無魚味。比外賣壽司店一早做好的
士別三日質素一落千丈，誰知居然跌到只得 1 粒星。樣樣都強差人意，難食到自盡，食到咀妙妙想掉低唔食囉！被責罵，被埋怨了。
完全唔夠飽，想試多個拉麵但被女友阻止，慳返啲錢去第間再食過啦。
中華沙律，Cheap cheap cheap 前菜。最討厭辣味螺頭，第二就係中菜沙律，難登大雅之堂，求其成注塞入口算，比枝豆或漬物會開心好多。麻油味，甜笠笠，爽爽海藻。
湯烏冬，跟餐的。劣質硬實即食烏冬半份，油渣麵的質感，加上微溫蔥味濃郁淡口鰹魚湯，食開手打烏冬其他的接受不了。
壽司併盤，凍冰冰半點暖意也沒有，您估食冷盤咩！壽司飯濕爛漿嘴無味，只有倒汗水味道，反卷更加嚴重！蟹子炸蝦反卷，同樣冰凍，整左幾耐架？層飯皮乾爭爭，漿糊半乾狀態，膠膠黏黏，橡膠皮乎？
蟹子手卷，女友不食蟹子的，立令我要負責消滅。除了紫菜非常香脆外，無味爛飯實在難受得了，直接敷衍吞下算罷。
熟蝦壽司，廿成熟無味硬實蝦，死氣沈沈的味道。魚生壽司，魚生淡而無味，瘦猛猛又乾爭爭，無鮮味無甜味無魚味。
比外賣壽司店一早做好的更差，Lunch 定食就是如此質素？原來不止如此，其他壽司都一樣！
玉子壽司，定食玉子賣相像兒童餐一樣，散叫玉子靚好多，但同樣冰凍。
味道比定食鮮，質地比定食鬆軟。芥辣八爪魚軍艦，味道最正常，芥辣醒胃添上爽彈墨魚粒咸香，但飯粒同樣劣評。
蝦天婦羅，新鮮炸起，輕煙飄飄。不是天婦羅炸漿來的，普通脆漿罷了。炸蝦剛出爐有點油光，是否應該攤一攤油先呢？熱騰騰而厚厚的硬掘掘外殼，用點牙力，感受到的脆卜卜。蝦肉廿成熟乾韌，味道唔難食，尚算香口。
備長碳火炙壽司併盤，另叫非午市定食的併盤，比定食壽司併盤好一點。飯粒依舊難食到想吐，但唔想浪費食物。珍寶帶子滿意的巨形，散發碳燒焦香，跟火槍截然不同，外脆内軟嫩嫩帶汁，好食。穴子鰻魚滑滑啖啖肉，清爽醬汁味，蠻不錯。
牡丹蝦微黏帶爽，濕潤可口，蝦頭藏著豐富甘甜蝦膏，舔舔嘴。蒲燒鰻魚，乾爭爭，甜醬油厚厚，味濃帶濁。墨魚肥美不足，油脂欠奉，嚥韌不夠爽。
血雕刺生半條，多謝 $218，最遲出場，估計因爲要即做呢。最好係依道菜喇！雖然味道偏淡又太瘦，魚脂少又削，嚥韌有嚼勁，免強過關。
侍應肥阿姐較寬容，但瘦阿姐臉黑黑無表情，服務態度認真麻麻，由落單到埋單都冷冷淡淡，還以為您係老闆娘呢。埋單 $520 完全不值，轉場串燒妹食串燒好過。
中華沙律
26 views
0 likes
0 comments
湯烏冬
11 views
0 likes
0 comments
壽司併盤
12 views
0 likes
0 comments
壽司併盤
6 views
0 likes
0 comments
芥辣八爪魚軍艦
7 views
0 likes
0 comments
蝦天婦羅
5 views
0 likes
0 comments
備長碳火炙壽司併盤
8 views
0 likes
0 comments
備長碳火炙壽司併盤
7 views
0 likes
0 comments
血雕刺生
$218
9 views
0 likes
0 comments
Post
