燒肉市場 (Closed)

其實去之前睇到d食評咁差，都有d驚，不過因為買咗團購，所以都會去食。去到又無我想像中咁差，起碼d人服務態度都ok，見個冷氣有d問題都不斷去整，野食都算上得快，但係剔咗幾次火炙壽司都無嚟，又無交代，咁我都唔知好唔好等~燒肉就認真一般，無乜特別野揀，又要無乜味，最離譜係切到勁厚，d雞肉、豬頸肉全部係一舊舊長方體，而唔係一片片，咁有排都唔熟啦!反而厚玉子就幾好味，至少唔驚佢唔熟嘛。至於個場都坐得幾舒服，唔會好迫又唔會好大油煙；d熟食刺身都ok。中規中矩啦，以團購價錢嚟講都ok既，不過如果正價就唔多值嘞。