壽司芳

Open Now

Now Closed

餐廳位於酒店裏面，酒店本身並不容易找到。入到去門面格局都OK，服務方面係可以嘅。餐牌上邊只有廚師發板兩個價錢嘅選擇，我同朋友選擇咗$2500嗰個菜單。上菜嘅速度太快，成個菜單20多個項目，唔使一個鐘頭就食晒。全程同廚師零交流，而且食物嘅款式睇得出係有重複嘅，即係同一件食材，用咗兩個唔同嘅方法上菜。而其中有啲菜式就覺得太過求其，好似有一個菜式係叫做鮑魚湯，其實只係將鮑魚嘅汁倒入一個小瓶裏面，感覺上面似乎係蒸鮑魚嘅時候靜落嚟嘅汁就當作一道菜。而佢嘅魚生同壽司就有好多筋，食落去嘅時候好難咀嚼。我同朋友到之前已經有其他四位客人喺度食緊，但我哋就發覺我哋嘅菜式上菜時間同佢哋食緊嘅菜式差唔多係同一時間，令我不期然覺得廚師係為咗慳時間，所以喺度趕我哋上菜嘅速度。我唔會話佢啲食物唔好食，不過以二千幾蚊一位嘅價錢，我覺得可以有其他更好嘅選擇。