BBQ Grilled and Baked

Open Now

Now Closed

⭐️美國橙車打芝士牛肉漢堡包 - $58喺選擇嘅時候，可以按需要揀多汁定走汁、要酸青瓜定係唔要，或者額外附上等等，都幾多個人化可以做。雖然一定冇百幾蚊嗰啲漢堡包咁Juicy同埋咁厚料，但佢整體都唔錯。個包皮有微微煎過，少少脆身，而牛肉加埋芝士食落去都有啖啖肉汁，係對得住呢個價錢嘅。⭐️ 即煎美國安格斯肉眼扒 (7oz) - $65其實平時一啲比較平民嘅西餐廳，未必會有熟度可以俾你選擇，但呢度真係可以揀幾多成熟之餘，最後出嚟成果嘅偏差度都唔會好大。我哋今次叫咗3成，都真係見到啲肉質仲係有少少紅色，而且係3成嘅嫩度。其實本身啲牛扒唔使點汁已經幾有味，食落唔會好韌咬唔斷，幾大塊兩個人食都得。唯一可惜嘅係覺得啲飯可能因為係預先煮定，所以擺耐咗有啲凍同埋硬身，可能下次要試吓配意粉或者薯菜。