Video
Read full review
2019-04-26
586 views
之前你嗰食lunch buffet已經見到佢寫住早餐50蚊 琴晚撞啱失眠其實六點鐘已經好肚餓 咁跟住捱到七點零過嚟食早餐 入到嚟 比起晏晝 因為上面有酒店嘅客人 早餐明顯有多咗好多人 咁我入嚟一位順利入座 佢就即刻擺低張單， 55蚊冇花冇假 咁呀睇下有咩食啦 啲嘢食多到嚇死人佢有多士爐烘麵包又有焗爐烘麵包所以連餐包牛角包都可以烘埋佢醬呢就一大罌嘅 咁環保啲 咁牛油 就獨立包裝沙律吧就有最正常嘅粟米，蕃茄，紅腰豆，生菜，竟然都仲有cold cut 芝士 仲要隻隻嘅味道都係屬於正常麥片都有連牛奶都有凍又有熱問你怕未晨早流流我就唔想食炸嘢喇所以啲三兜嘢我都未試過不過佢lunch buffet一樣有嘅所以我係lunch食過，依家唔食喇，ok嘅豬柳火腿煙肉都係正常茄汁豆正常，烚蛋正常 不過個炒蛋就奇奇怪怪食落去咗少少豆漿味又好似溝咗水咁唔似炒蛋，我都唔知佢點整出嚟嘅炒粉麵飯 ，朝早我唔食呢啲嘅我係燒賣控，食咗八粒呢度飲品選擇都算多今日有芒果汁，蘋果汁，紅茶，熱鮮奶凍鮮奶，當然一切我都係唔會飲啦！因為我會瘋狂飲即磨咖啡 埋單55蚊，真係冇乜嘢好講 我而家食個大快活都要收緊我34我加咗廿蚊，我喺度嘆
琴晚撞啱失眠
其實六點鐘已經好肚餓
咁跟住捱到七點零過嚟食早餐
入到嚟 比起晏晝 因為上面有酒店嘅客人
早餐明顯有多咗好多人
咁我入嚟一位順利入座
佢就即刻擺低張單， 55蚊冇花冇假
咁呀睇下有咩食啦
啲嘢食多到嚇死人
佢有多士爐烘麵包
又有焗爐烘麵包
所以連餐包牛角包都可以烘埋
佢醬呢就一大罌嘅
咁環保啲 咁牛油 就獨立包裝
沙律吧就有最正常嘅粟米，蕃茄，紅腰豆，生菜，竟然都仲有cold cut 芝士
仲要隻隻嘅味道都係屬於正常
麥片都有連牛奶都有凍又有熱
問你怕未
晨早流流我就唔想食炸嘢喇
所以啲三兜嘢我都未試過
不過佢lunch buffet一樣有嘅
所以我係lunch食過，依家唔食喇，ok嘅
豬柳火腿煙肉都係正常
茄汁豆正常，烚蛋正常
不過個炒蛋就奇奇怪怪
食落去咗少少豆漿味
又好似溝咗水咁
唔似炒蛋，我都唔知佢點整出嚟嘅
炒粉麵飯 ，朝早我唔食呢啲嘅
我係燒賣控，食咗八粒
呢度飲品選擇都算多
今日有芒果汁，蘋果汁，紅茶，熱鮮奶
凍鮮奶，當然一切我都係唔會飲啦！
因為我會瘋狂飲即磨咖啡
埋單55蚊，真係冇乜嘢好講
我而家食個大快活都要收緊我34
我加咗廿蚊，我喺度嘆一份報紙
飲咗三杯咖啡，食咗幾碟嘢
平均每樣嘢都唔使十蚊
屋企行過嚟大概15分鐘
如果真係瞓唔著，喺度spend兩三個鐘
真係淨係冷氣都賺咗佢啦
所以我覺得呢度基本上係一間福利酒店早餐
但係要你晨咁早食一個早餐buffet
其實係冇乜可能性
除非你住喺樓上
又或者好似我咁早一晚失眠啦
Post
