Video
Read full review
2010-06-06
30 views
星期日，係屋企嘆咗成日之後肚空空，同老公兩個人出街食餐便飯。order咗二人套餐。湯——意大利蔬菜湯。味道都幾酸，但都係唔夠濃，有D生粉既感覺。前菜——菠菜鷄肉捲配蔬菜沙律。一上檯就聞到好濃郁既芝士味，老公話好味！一眨眼佢就消滅咗兩只捲！要趁熱食。個捲既SIZE都做得啱啱好，可以成個一次放入口中。一口咬落去，就感覺到溫暖的芝士爆出外層的酥皮，傾瀉出來、係口中蔓延，帶著芝士味，溢滿整個口腔，口感幼滑香濃，瞬間心中涌起幸福感！所謂美食會爲人帶來幸福感就係呢個意思瓜～～～不過亦因爲芝士味濃，反而品嘗唔出鶏肉/菠菜味。如果唔係因爲個菜名，我真係食唔到有菠菜/鶏肉。旁邊既蔬菜沙律既沙律醬好得意，酸酸辣辣，好開胃，個味就好似千島醬＋泰國鶏醬，比例調得幾好。主菜——西班牙Tapas批。被廣告誘惑咗好耐，終于忍唔到去“以身試法”。總體感覺：太……鹹了。老公既反應係搖頭。上檯時又唔夠熱，好似個餅係出咗爐之後係厨房孤獨D睏咗一陣之後先出黎。餐廳既冷氣又勁得滯，食第二塊時，D芝士已經凍咗，令人冇么興趣。最後剩1/3打包帶走，返屋企焗返熱再食。唔好浪費。甜品——硃古力雪糕。呢個徹底失望……雪糕好淡。如果我减緊
湯——意大利蔬菜湯。味道都幾酸，但都係唔夠濃，有D生粉既感覺。
前菜——菠菜鷄肉捲配蔬菜沙律。一上檯就聞到好濃郁既芝士味，老公話好味！一眨眼佢就消滅咗兩只捲！要趁熱食。個捲既SIZE都做得啱啱好，可以成個一次放入口中。一口咬落去，就感覺到溫暖的芝士爆出外層的酥皮，傾瀉出來、係口中蔓延，帶著芝士味，溢滿整個口腔，口感幼滑香濃，瞬間心中涌起幸福感！所謂美食會爲人帶來幸福感就係呢個意思瓜～～～不過亦因爲芝士味濃，反而品嘗唔出鶏肉/菠菜味。如果唔係因爲個菜名，我真係食唔到有菠菜/鶏肉。旁邊既蔬菜沙律既沙律醬好得意，酸酸辣辣，好開胃，個味就好似千島醬＋泰國鶏醬，比例調得幾好。
主菜——西班牙Tapas批。被廣告誘惑咗好耐，終于忍唔到去“以身試法”。總體感覺：太……鹹了。老公既反應係搖頭。上檯時又唔夠熱，好似個餅係出咗爐之後係厨房孤獨D睏咗一陣之後先出黎。餐廳既冷氣又勁得滯，食第二塊時，D芝士已經凍咗，令人冇么興趣。最後剩1/3打包帶走，返屋企焗返熱再食。唔好浪費。
甜品——硃古力雪糕。呢個徹底失望……雪糕好淡。如果我减緊肥就會appreciate咁樣既雪糕囉～～～仲有，未開始食，雪糕就開始溶……
服務——總體OK，有個別員工好似夢游，一D都唔誇張。講嘢氣若遊絲，永遠面無表情，加熱水時灑咗D係個檯度，一句“唔好意思”就冇下文，唔該你至少抹抹既嘛……都係我自己用tissue抹咗算數。費事講。其他服務員都幾好架～
衛生——店堂幹凈明亮。8過就係有只烏蠅唔知咩事，十分固執，揮之不去，由頭至尾間唔中飛來巡視，盡心盡力陪伴我地用餐，完全唔知我地其實唔係咁歡迎佢既……真係對佢唔住。
總之，就係，好多年都冇食過pizza hut了，因爲之前食過一次失望到底既。終于又重拾行入pizza hut既勇氣，都係……痲痲。食餐便飯囉～～～咁expect餐便飯就得了。仲有，就係唔好令自己諗個價錢係唔係抵，否則，便係自尋煩惱……食咗算數。
Post
