茶芝味 (Closed)

真係飲咗茶芝味好多年，每次都嗌奶蓋同茶底嘢飲；以下呢三杯都係嗌咗無糖。1️⃣茶芝味桂花烏龍茶 $28可能因為無糖，所以桂花糖漿都落得少啲(?)，變相烏龍茶味就蓋過咗桂花味，下次可能嗌返微糖，中和返烏龍茶嘅茶澀。2️⃣茶芝味宇治抹茶 $32呢杯真係大推!! 嗌過微糖都嗌過無糖，個人覺得無糖可以飲到更濃抹茶味，配埋芝士奶蓋飲真係好滿足。3️⃣茶芝味高山綠茶 $28高山綠茶飲落就比烏龍茶清純啲，綠茶香氣比茶澀出，所以變相飲落唔會太苦澀，夏天飲都幾唔錯。✴️整體而言，最推薦抹茶茶底。而佢哋嘅芝士奶蓋可以話咁多年嚟都維持到水準，又厚又濃稠，一啲都唔稀，所以唔怕啲冰或者飲品溝淡咗奶蓋，次次飲到最後都要用飲管撩嚟食。奶蓋係鹹味比甜味突出，芝士味濃厚，可以話真係好出色，同埋平時啲連鎖店都少有嘅芝士奶蓋。