Video
Read full review
2006-02-27
20 views
想平平地食餐日本野，朋友話四十蚊可以任食，於是去試下。勸大家真係唔好亂咁試新野，四十蚊看似吸引，去完之後，十蚊一餐我都唔會再去食，真係食到好飽呀，但個肚裡面唔係壽司，係成肚火同怒氣呀！1. 無三文魚0既壽司店 唔係因為四十蚊太平而唔設有三文魚，我同個frd望住佢有成盤山咁高0既三文魚放0係度，但係師傅都仲正係整埋0的cheap cheap野：雜果沙律、蟹子、吞拿魚沙律....好多客因此都落order叫三文魚、鰻魚0個0的款式，但係order照落，單照拖。留住0的三文魚有寶咩?!肉類又唔放得耐，俾你做宵夜都食濟你啦！2. 服務態度差差差 叫左十萬年先有人過黎同你落單，個個客都至少等二十分鐘以上。於是好多人都追單，但係佢地好似好唔滿意你追單咁；有0的侍應姐姐好似好驚俾客追單咁，明知你叫佢都掂行掂過。咁多客人追，照理佢地都應該手忙腳亂去搞番掂0的單。但係佢地urgent野唔做，走去執下杯、收碟、抺檯，根本無人理0的order。3. 投訴無門 咁當然有0的客發火啦，但係0的侍應唔反省不特止，仲0係背後若無其事咁話：「嘩...佢好惡呀，真係好得人驚呀！」梗係惡啦！成間野搵勻晒
1. 無三文魚0既壽司店
唔係因為四十蚊太平而唔設有三文魚，我同個frd望住佢有成盤山咁高0既三文魚放0係度，但係師傅都仲正係整埋0的cheap cheap野：雜果沙律、蟹子、吞拿魚沙律....好多客因此都落order叫三文魚、鰻魚0個0的款式，但係order照落，單照拖。留住0的三文魚有寶咩
?!肉類又唔放得耐，俾你做宵夜都食濟你啦！
2. 服務態度差差差
叫左十萬年先有人過黎同你落單，個個客都至少等二十分鐘以上。於是好多人都追單，但係佢地好似好唔滿意你追單咁；有0的侍應姐姐好似好驚俾客追單咁，明知你叫佢都掂行掂過。
咁多客人追，照理佢地都應該手忙腳亂去搞番掂0的單。但係佢地urgent野唔做，走去執下杯、收碟、抺檯，根本無人理0的order。
3. 投訴無門
咁當然有0的客發火啦，但係0的侍應唔反省不特止，仲0係背後若無其事咁話：「嘩...佢好惡呀，真係好得人驚呀！」梗係惡啦！成間野搵勻晒一個經理或者負責人都唔見，0個個想投訴0既男人，要打電話去西九龍中心間明將先投訴到，但最後都好似無人理佢個case。我0係度食咁耐，差唔多幾分鐘就有人投訴order未黎、無三文魚之類之類，好似全間店都充滿怒火，但你有你嬲，佢地有佢地唔理。
4. 食物質責差
吞拿魚沙律出水，等左廿年先黎到0既三文魚庸庸爛爛，蟹子沙律得丁屎咁多蟹子，螺肉壽司放得一粒螺肉...四十蚊0係百佳度夾，可以食得好豐富啦！駛乜受埋佢地0的氣！
真係好忿怒呀！最衰就係佢個舖位位置夠旺，所以長年都有好多人0係下面排隊，人地見有人排，唔覺得裡面咁差，於是就有更多人中招。我真係唔想再有咁多人食到一肚氣，所以不得不打呢篇野出黎！
Post