Video
Read full review
2008-07-07
53 views
六月一日, 媽子突然打嚟話今晚食飯, 本來喺屋企溫書既我, 都唔想為咗考試六親不認, 媽子叫到, 當然要泡吓頭啦!!我哋成十三個人嚟咗荃灣呢間已經有三十年既【東江大飯店】食晚飯,由於我遲嚟咗少少, 所以佢哋已經開緊餐啦!以下既菜唔多詳細介紹, 因為今次我冇睇過菜單, 唔知咩名堂, 亦唔清楚價錢, 但我諗各位睇到相同對客家菜有少少認識既都應該知係乜。扣肉 OK, 但都係唔多敢食佢啲肥膏.....左面果碟係用花椒八角炒豆豆, 都算幾香, 不過個人覺得唔夠味,右面唔駛講都知係魚香茄子, 姐夫話好食, 但我就覺得啲茄子根本未入味, 唔合格!鹽焗雞, 好普通, 好似只食到鹹味, 冇乜雞味, 所以好鍾意食雞既我都係食咗一件咋!呢碟拼盤都係普通啦, 全部都係炸嘢, 我只敢每樣食一小件, 但味道好似又係唔多夠喎.....................(前) 京都骨, (後左) 炒牛丸, (後右) 炆豆腐,後面果兩碟都係普通啦! 但碟京都骨真係好過份..........大家睇個樣覺得冇問題係咪? 我哋都係咁諗, 點知食落..........原來係乜味都冇囉!! 食落搞到自己好似突然冇咗味覺咁!!初
本來喺屋企溫書既我, 都唔想為咗考試六親不認, 媽子叫到, 當然要泡吓頭啦!!
我哋成十三個人嚟咗荃灣呢間已經有三十年既【東江大飯店】食晚飯,
由於我遲嚟咗少少, 所以佢哋已經開緊餐啦!
以下既菜唔多詳細介紹, 因為今次我冇睇過菜單, 唔知咩名堂, 亦唔清楚價錢,
但我諗各位睇到相同對客家菜有少少認識既都應該知係乜。
扣肉 OK, 但都係唔多敢食佢啲肥膏.....
左面果碟係用花椒八角炒豆豆, 都算幾香, 不過個人覺得唔夠味,
右面唔駛講都知係魚香茄子, 姐夫話好食, 但我就覺得啲茄子根本未入味, 唔合格!
鹽焗雞, 好普通, 好似只食到鹹味, 冇乜雞味, 所以好鍾意食雞既我都係食咗一件咋!
呢碟拼盤都係普通啦, 全部都係炸嘢, 我只敢每樣食一小件,
但味道好似又係唔多夠喎.....................
(前) 京都骨, (後左) 炒牛丸, (後右) 炆豆腐,
後面果兩碟都係普通啦! 但碟京都骨真係好過份..........
大家睇個樣覺得冇問題係咪? 我哋都係咁諗, 點知食落..........
原來係乜味都冇囉!! 食落搞到自己好似突然冇咗味覺咁!!
初時姐夫食話冇味, 我諗都係佢食開濃味嘢啫, 我又試吓啦, 真係乜味都冇喎!
媽子都係唔信, 即刻試一件, 嘩! 媽子都食唔出任何味呀!!
我哋當然要叫人嚟換咗佢啦! 第一次叫個亞姐女侍應過嚟,
咁啱另一個親友同佢講要多碟酸汁, 佢就當我講既嘢冇到, 走咗去拎酸汁! 搞錯呀...
佢再走埋嚟, 放底碟酸汁後想即時轉頭走, 我立即叫住佢, 同佢講多次,
點知佢話 : 「係咩... 冇埋由架...」我話 : 「唔信你可以試吓! 而家三個人都話冇味喎!!」
佢先死死地氣拎入去唔知畀邊個試, 我諗係經理啩~
跟住一個似係男經理既亞叔同個女侍應走埋嚟話 :
「碟嘢冇問題喎, 係咁既味架喎! 不過算啦, 你哋想點?」
嘩! 咩服務態度呀?!! 仲死口唔認?!! 明明真係乜味都冇, 你哋只係落色素架?!!
最後我哋話唔要呢碟, 諗過第二樣餸好過, 結果揀咗腐乳炒通菜。(件事仲未完, 仲有下文...)
呢條魚又係冇味既, 連面頭啲鹹菜都好淡好淡呀!! 咁落鹹菜嚟做乜? 不如就咁清蒸條魚好過啦!
最後埋單時, 又係果個男經理走埋嚟,
我哋睇吓張單, 又係寫噃「骨」字, 旁邊寫 "64",
(佢哋用手寫單, 只寫一個字代表一個餸, 跟住旁邊寫價錢),
嘩! 搞錯咗喎, 同噃個經理講, 話我哋改咗通菜喎,
諗住佢應該記得, 只係寫單果個錯咗啦,
點知佢竟然笑笑口答 : 「吓? 哦! (京都骨同通菜) 個價錢差唔多啫~~」
仲完全冇意思幫我哋改單!!
嘩!! 唔係啩!! 就算真係價錢差唔多, 都唔係唔改單呀!!
有個一路都冇出聲既親友都認唔住即刻話 : 「乜碟肉會同碟菜差唔多價錢架?!!」
之後我哋個個都話一定要改單, 咁樣計真係接受唔到!
個經理先又死死地氣去改單, 原來佢要從新寫過成張單, 唔怪得之唔想改單啦!
但係原來碟通菜只係 $30 囉! $64 同 $30 都叫差唔多價錢???
呢間嘢啲食物大部份都好淡味, 淡味得嚟又唔覺得係「清」果隻,
只係覺得冇乜味, 連材料本身既鮮味都帶唔到出嚟, 對我嚟講絕對唔合格!
再加埋咁既服務, 我真係以後都唔會再幫襯!!
更詳細資料及圖片請看 : http://hk.myblog.yahoo.com/joycewai616/article?mid=8432
Post
