薩莉亞意式餐廳 (中染新城) (Closed)

愉景shopping完諗住搵D野食, 點知間間都唔平, 平既又鬼咁多人, 醒起隔離有呢間薩莉亞, 一於行過黎, 商場同商場連系住, 所以好方便, 新裝修之後搬左上3樓, 比以前大間左.要個野菌忌廉意粉, 都係29蚊, 咁平真係唔知響邊度搵.意粉唔會太濕, 都夠彈牙.野菌都幾多, 夠軟諗入味, 忌廉汁唔會太濃太cream, 配埋少少味既芝士粉吊下味.呢碟份量都唔算太少, 剛剛好夠飽.而且加左任飲, 有汽水, 檸檬茶, 果茶, 朱古力, 美綠, 連咖啡都有美式咖啡, 泡沫咖啡, 朱古力咖啡, 樣樣試齊晒都抵番.