黑木亭居酒屋 (清風街) (Closed)

之前見過雜誌介紹，想來呢度好耐，今日終於嚟食。地方好細，但係坐得OK嘅。老闆娘超級好人，見我哋小朋友需要換片，知道洗手間比較窄，俾咗個私人小小嘅位置我哋幫小朋友換，好貼心。一黎叫咗蕃茄沙律同埋支豆，因為小朋友已經好肚餓，呢兩樣係佢最鍾意食嘅。然後我哋叫咗厚燒牛脷，清酒煮蜆，銀雪魚西京燒。厚燒牛脷笑得好香，同埋好彈牙，非常好味。清酒煮蜆我都非常鍾意，啲湯好鮮甜，同埋入邊有好多菇食。銀雪魚西京燒就細舊咗少少，但係味道係非常好，小朋友都好啱食。之後我哋嗌左燒白鱔，燒廣島號，免治雞肉棒，堂楊墨魚咀，燒雞腿肉，燒粟米。首先燒粟米亦都係小朋友嘅至愛，所以叫咗兩次。免治雞肉棒原本係我食嘅，但係小朋友成條搶咗，最後我只係剩返嗰碗生雞蛋豉油，所以應該係好好味嘅。燒白鱔好Juicy，而燒廣島號亦都燒得恰到好處，值得一讚。堂楊墨魚咀就唔算10分出色，我會比較喜歡炸雞軟骨個口感多啲。你結尾我哋叫咗明太子醬燒飯團，圓滿結束。1家3口食到攬住個肚。食到中途發現原來佢嘅四大和牛菜式，只要叫兩款，第二款就會有68折，都幾吸引，下次會嚟再試。