壹級日本料理 (Closed)

住大圍位老友約食飯梗係冇問題啦！佢話帶我去冬菇亭壹級日本料理食正牛！心諗咁耐冇見整蠱我咩，點知又鬼死咁有驚喜喎！先整件香口忌廉蟹肉薯餅28蚊有3件，外面好脆口入面又軟綿綿，唔會好漏都幾好味！ 小食過後我叫咗火炙安格斯牛肉飯 $98，有碗味噌湯送即刻加分喎！火炙安格斯牛肉飯好鬼多牛肉，燒過的的牛肉熟度岩岩好，有入口即溶的感覺，肉味仲好夠正到爆！老友果然好介紹！吱吱聲忽然在耳邊響起，原來係老友的鐵板西冷扒＄88，偷一舊食肉地幾淋肉味又重，仲有好多健康的蘿蔔仔同粟米，仲有燒汁同咖喱汁揀撈飯一流好鬼正囉！