The Pudding Nouveau (Closed)

我同女友共同喜愛的食物少之有少，我麻麻哋辣嘅食物，女友就剛剛相反，唔辣唔食。唯一我地共同喜愛嘅食物係甜窩夫。所以大家係甜品方面都冇咩分歧，但主菜就多分歧啦。有見及此我今日帶咗女朋友去大坑the pudding nouveau食法式窩夫，希望從此解決我哋主菜選擇嘅分歧😂😂😂餐廳採用雲石枱，係我較為喜愛嘅pattern。鴨腿外皮非常香脆，肉質非常軟稔，用叉可以輕易鬆開，味道唔會太咸，調味適中。配上窩夫加太陽蛋一齊食可謂頂級享受。我同女友真係食唔停口。Egg benedict賣相非常「性感」，鴨脾肉依舊毫不乾身，非常juicy。配上egg benedict 同窩夫，甜和鹹味毫無衝突，味道非常平衡。呢兩道菜非常驚豔，井底之蛙既我從未諗過甜窩夫同鹹嘅食物可以有一個咁完美嘅配搭搭，睇來我已經解決咗我同女友係主菜選擇嘅問題啦