NY Garden (Closed)

今日嚟到北角和富薈商場近期新開嘅美食廣場，揀左呢間南洋風味餐廳 - NY Garden。南洋雜錦喇沙$72配料非常豐富，一碗有齊有大蝦、青口、肥牛、蜆肉、海南雞等等。麵條非常吸湯，啖啖椰香。巴東牛肉飯$68牛肉香料味很重，秘製醬汁拌油酥餅同白飯一流。套餐仲配有椰子雞湯。鹽酥雞粒($28)熱辣辣炸起，夠酥脆。恐龍美祿($26) 美祿上再加上一層厚厚美祿粉，冰凍甜美，大人細路都鐘意。番刺果特飲($26) 番刺果酸酸地，味道好清新。