am.pm (譽發廣場)

Open Now

Now Closed

一直都想食，但每次經過都好多人，難得行過見人少少，終於可以試下！呢架黃巴士早排Running man有去過，所以店貼左唔少Running man到訪報導。近幾年好hit 梳乎厘Pancake，而自從食過銅記 Flipper’s & 幸福班戟 後都愛上左，但銅記個2間每次都要排30分鐘以上既隊，·而且價錢實在有點貴，相比之下，呢間價錢就可愛多了。其實梳乎厘Pancake選擇唔多，另外有個流心布丁系列同飲品. 識食當然食原味啦，哈哈落單後以為要等好奈，但可能時間未到飯後甜點time, 大約6-10分鐘左右就有得食！見到個下，覺得有D細，比Flipper’s & 幸福班戟 細左有一半，而且得2件，不過HKD30差唔多啦 。相機食完，到我滿懷期待試食啦！一入口，唔…唔係我想像中的味道...蛋香唔係冇，但唔算特出，連甜甜既cream一齊都算好食~ 口感唔夠柔軟，感覺唔夠空氣，食完唔似銅記個 2間有幸福既感覺，哈哈哈總的來說，止癮可以，但我寧願食返銅記個2間，而且要企係街到食，人少冇所謂，人多會好麻煩。