富山和食料理屋 (Closed)

呢間基本上係和民o既翻版, 兩間有冇關係就唔知, 係呢區黎講此等港版和食就真係幾稀有, 所以一新開市好早就排晒長龍。裝飾格調有點西洋味, 暗暗的, 有大大張o既椅, 服務都唔錯, 不停加茶外, 仲有問必答。三個人點左兩個定食, 一個係鰻魚飯, 每個定食除湯外, 仲有小食同甜品, 小食o既炸魚腩幾香脆但過咸, 另一個餃子就過油, 呢度o既鰻魚飯係用左滑蛋o既洋蔥汁淋上飯面, 飯質煙煙韌韌, 另一個係山葵海鮮飯, d料就好麻麻, 但有帶芝士山葵味o既白汁又唔錯, 散叫仲有三文魚, 海膽壽司, 又係o個句, 好麻麻, 仲有個幾油o既天婦羅, 個茄子吸o既油夠黎煎多隻蛋都得蘿。