Video
Read full review
2021-03-28
2339 views
好識做生意嘅PolyU旗下嘅Hotel ICON，見個ballroom係疫情下冇咩人用，就變陣係指定嘅星期日推出一個和牛主題嘅Sunday Brunch去幫補下生意！一入到去，由於係ballroom嘅關係，所以成個感覺都好似以為自己去緊annual lunch～咁首先睇吓有啲咩嘢食啦！佢係喺出邊嗰個waiting area度攞嘢食嘅！中間就有一大堆凍海鮮，有龍蝦、蜆、青口、蝦、長腳蟹，最有印象係長腳蟹佢好鮮甜。後面就係喇沙粉面檔，佢個喇沙都係出咗名一定要試！好味！另外個碗仔翅都好好食，我個friend食咗三碗😱。跟住另一邊就有啲cold cut呀，芝士呀，沙律啊嗰啲，個煙三文魚好味有油香，同埋仲有個蟹肉芒果他他，佢會將d蟹肉放上係個芒果度，每次一出都會好快俾人攞晒！另一邊就係今次Sunday Brunch嘅主角，和牛！有燒和牛、威靈頓和牛、堂灼和牛片、和牛漢堡、生和牛肉片、和牛他他、同埋火炙和牛壽司，由於佢比較集中，所以排隊條龍由一開始到完結都係不斷咁排！其實我覺得d counter可以分散d分散d人可能會好d！個燒和牛用咗M8澳洲和牛，好嫩！個威靈頓和牛就一般，因為一切開個酥皮就會散
一入到去，由於係ballroom嘅關係，所以成個感覺都好似以為自己去緊annual lunch～
咁首先睇吓有啲咩嘢食啦！佢係喺出邊嗰個waiting area度攞嘢食嘅！中間就有一大堆凍海鮮，有龍蝦、蜆、青口、蝦、長腳蟹，最有印象係長腳蟹佢好鮮甜。後面就係喇沙粉面檔，佢個喇沙都係出咗名一定要試！好味！另外個碗仔翅都好好食，我個friend食咗三碗😱。
跟住另一邊就有啲cold cut呀，芝士呀，沙律啊嗰啲，個煙三文魚好味有油香，同埋仲有個蟹肉芒果他他，佢會將d蟹肉放上係個芒果度，每次一出都會好快俾人攞晒！
另一邊就係今次Sunday Brunch嘅主角，和牛！有燒和牛、威靈頓和牛、堂灼和牛片、和牛漢堡、生和牛肉片、和牛他他、同埋火炙和牛壽司，由於佢比較集中，所以排隊條龍由一開始到完結都係不斷咁排！其實我覺得d counter可以分散d分散d人可能會好d！
個燒和牛用咗M8澳洲和牛，好嫩！個威靈頓和牛就一般，因為一切開個酥皮就會散晒，但中間個澳洲和牛（都係M8）係ok嘅！至於個灼和牛片，因為佢都幾厚嘅，所以都好有咬口同嫩，唔似放題果d貨色！個和牛漢堡，個漢堡扒煎得好好味，再加埋啲煮過嘅洋蔥同埋煙肉，再加芝士，簡直係一絕，但食晒一個就會飽晒食唔到其他嘢，建議佢做返細嗰啲會好啲！
到甜品啦！大家都知Hotel ICON嘅榴槤甜品係好出名，咁就當然主攻榴槤甜品啦！首先講一講佢個榴槤雪糕，簡直一絕，以為自己食緊真嘅榴槤一樣咁正！其他榴槤蛋糕，炸榴槤球，炸榴槤條都好好食，鍾意食榴槤嘅你就唔好錯過！
食食吓嘢，中間仲有一個抽獎時段，送出Hotel ICON嘅afternoon tea set啦，嚟緊加推嘅生蠔和牛Sunday Brunch啦，同埋酒店房連早餐！真係以為自己去咗annual lunch呀！
仲有佢呢個Sunday brunch包咗香檳同紅白酒任飲，當然仲有橙汁汽水咖啡茶任飲啦！
埋單$684一個人（折實！上網book full pay好似有8折），鍾意食和牛同榴槤都ok嘅！
燒和牛
24 views
0 likes
0 comments
威靈頓和牛
31 views
0 likes
0 comments
堂灼和牛片
30 views
0 likes
0 comments
即制和牛漢堡
21 views
0 likes
0 comments
叻沙
25 views
0 likes
0 comments
碗仔翅
19 views
0 likes
0 comments
蟹肉芒果他他
21 views
0 likes
0 comments
榴槤雪糕
23 views
0 likes
0 comments
凍海鮮
33 views
0 likes
0 comments
Post
