炑八韓烤 (黃金廣場) (Closed)

好耐無韓燒啦，今日挑起條癮就同朋友去食番餐，見炑八出左個和牛套餐，就試下佢先。一坐低有我最愛嘅前菜，泡菜，醃蘿蔔，大豆芽，粟米芝士同埋泡菜爐邊蛋。熱炙月見和牛套餐 $698有月見和牛肩肉扒，韓牛前胸肉，霜降牛小排，韓國鰻魚，牛舌，蜜柑牛五花。月見和牛肩肉扒油脂分怖平均，入口即溶，加埋蛋汁一齊食，超級好食。韓牛前胸肉有咬口，霜降牛小排香口濃郁，韓國鰻魚肉質嫩滑，牛舌爽口，口感一流，蜜柑牛五花香甜多汁。跟套餐會送芝士熔岩泡菜紫菜包飯，滿滿嘅芝士加上辣辣地嘅泡菜，惹味。完熟白桃沙冰 $48我地叫左2杯沙冰，半個桃係杯到，好正，白桃香甜，好清香。