Video
Read full review
2022-12-27
310 views
【期間限定】聖誕節．和牛會席料理臨近聖誕都係時候 plan下聖誕大餐食咩好，牛肉控就提議不如試下雪見呢個和牛會席料理～ 簡單講返會席料理，係源自江戶時代后期，目的其實係飲酒！菜品都係配合酒水預備所以大家訂呢個 set，餐廳都會送埋奧羽自慢 50 純米大吟釀一枝比你地邊食邊飲 (2位起計) ！好講返個set，7 道菜 $1588/pax 📍和牛三食 A5和牛餃子/A5和牛韃靻/A5和牛燒刺身A5和牛餃子煎到好香脆，皮薄餡多仲爆晒汁; A5和牛韃靻用秘製調味，酸酸甜甜越食越開胃。最後 A5 和牛燒刺身肉味濃郁入口即化📍刺身 3點縞鰺: 魚肉極為鮮甜，肉質纖細又肥美，食落口感清爽順滑；牡丹蝦蝦肉鮮甜口感爽彈，蝦肉中仲有甘香蝦膏，令人齒䶝留香。最後蜜柑鯛，入口有陣陣蜜柑清香，配埋用蜜柑鯛魚骨所做嘅酸汁，更能突出蜜柑鯛原有嘅風味。📍燒喜之次喜之次乃日本三大名魚之一，係北部嘅王者，魚嘅脂肪含量超過20%，肉質較水嫩，所以好啱用嚟做和食。師傅用火槍火灸過，燒得皮脆肉嫩，油脂香味更突出，再加上秘製醬汁令味道再提昇📍飛驒牛和牛壽喜燒和牛用咗最高級嘅A5飛驒和牛，油脂分布均勻，食落有滿口嘅油脂香味，口感細
臨近聖誕都係時候 plan下聖誕大餐食咩好，牛肉控就提議不如試下雪見呢個和牛會席料理～ 簡單講返會席料理，係源自江戶時代后期，目的其實係飲酒！菜品都係配合酒水預備
所以大家訂呢個 set，餐廳都會送埋奧羽自慢 50 純米大吟釀一枝比你地邊食邊飲 (2位起計) ！
好講返個set，7 道菜 $1588/pax
📍和牛三食 A5和牛餃子/A5和牛韃靻/A5和牛燒刺身
A5和牛餃子煎到好香脆，皮薄餡多仲爆晒汁; A5和牛韃靻用秘製調味，酸酸甜甜越食越開胃。最後 A5 和牛燒刺身肉味濃郁入口即化
📍刺身 3點
縞鰺: 魚肉極為鮮甜，肉質纖細又肥美，食落口感清爽順滑；牡丹蝦蝦肉鮮甜口感爽彈，蝦肉中仲有甘香蝦膏，令人齒䶝留香。最後蜜柑鯛，入口有陣陣蜜柑清香，配埋用蜜柑鯛魚骨所做嘅酸汁，更能突出蜜柑鯛原有嘅風味。
📍燒喜之次
喜之次乃日本三大名魚之一，係北部嘅王者，魚嘅脂肪含量超過20%，肉質較水嫩，所以好啱用嚟做和食。師傅用火槍火灸過，燒得皮脆肉嫩，油脂香味更突出，再加上秘製醬汁令味道再提昇
📍飛驒牛和牛壽喜燒
和牛用咗最高級嘅A5飛驒和牛，油脂分布均勻，食落有滿口嘅油脂香味，口感細嫩，蘸埋用兵庫縣夢美人雞蛋所打出嘅蛋漿，蛋味濃香之外，更令人入口更加順滑。
📍鯛魚白湯
魚湯用咗起碼一百條魚嘅魚骨熬製，仲會將其打碎架加入湯中，所以入口好 Creamy，魚味勁濃郁超好味。
📍壽司 5貫
醬油漬赤身：赤身因用醬油漬嘅關係，使其微微脫水，令醬油同埋魚嘅風味都濃縮於魚肉之中，再配埋表面嘅黑松露醬，令味道更為豐富。
中拖羅：師傅加咗紫蘇葉，令中拖羅嘅味道更加突出，仲多添一份紫蘇葉獨有嘅香味。
大拖羅：師傅會將大拖羅做網炙，可以逼出魚肉嘅油脂之外，仲令表面出現好靚嘅網烤痕，師傅仲喺大拖羅上面放咗小麥麵豉，麵豉嘅甜味可以有效減低大拖羅所帶嘅油膩感。
海膽：呢度用嘅係北海道嘅根室赤海膽，上面仲加咗藻鹽，藻鹽係一款好天然嘅海鹽，同海膽味道好夾，更能突出海膽嘅鮮味同海水味～
和牛：和牛係A5嘅飛驒牛，師傅仲用火炙方法處理，逼出和牛嘅油脂，而師傅仲會喺和牛上面加咗燒香過嘅飛驒牛嘅牛筋，同埋蒜蓉漬，食落口感有入口即化，好正好好味。
📍甜品
雪之戀人：士多啤梨嘅奶凍，奶香味濃，口感滑溜嘅奶凍上面鋪滿咗酸酸甜甜嘅士多啤梨，可以有效減低整餐飯所帶嘅油膩感。
#會席料理#聖誕大餐#大口在銅鑼灣#銅鑼灣美食#銅鑼灣和牛#打卡餐廳#打卡美食#和牛#銅鑼灣日本餐廳
#topcitybiteshk#hkfoodie#hongkongfood#hongkonger#hkrestaurant#hkfood#hkig#like4like#followme#photooftheday#foodoftheday#ufoodphoto
Post
