尚八日式燒肉店 (Closed)

生日正日去左旺角嘅分店食之前係荃灣已經食過一次，但當時就唔係食A4和牛個餐。今次就揀左最貴嘅A4和牛，和牛嘅擺碟幾企理，當中最好食嘅係牛三角呢個部位，其次就係牛前肩。其他部位唔建議大家叫太多嚟食，少少哋試吓喺ok，因為我一開始每款叫咗4片之後全部都係叫返牛三角食，牛三角嘅油脂相對係有A4和牛嘅應有水準。我食過兩次呢間燒肉店佢嘅牛肉水準都係唔錯嘅，但係其他嘅食物呢就係比較差。-蝦比較唔新鮮-蠔都係好差-番薯仔用香草牛油個設定好差 ,好似夾硬要整D新野咁，本人認為原味更好食！-飲品嘅種類可以話係極少仲有其他配料不能盡錄但係公道講一句，如果一間燒肉餐廳喺平衡成本之間去選擇 佢嘅牛肉質素比其他湊數食品質素更重要。所以佢嘅牛好食我都會再去，但有啲出品唔需要太大成本去改善，只需要大廚有心去執已經可以有更好效果。細節位改善好之後我相信佢成為香港top5內燒肉放題係毫無疑問，因為尚八牛肉質素出色，而牛肉質素係燒肉放題嘅絕對因素。