Wagyu Ya (Closed)

燒肉店位於尖沙咀金馬倫道餐廳嘅裝修同日本燒肉店好似座位亦都相當舒適佢哋嘅和牛相當之高質食物款式亦都好多啱哂和牛愛好者😋和牛二人餐 $888/位🔸和牛沙律🔸和牛紫蘇天婦羅🔸和牛鵝肝三文治🔸和牛拼盤🔸和牛櫻花蝦舞茸釜飯🔸麵豉湯呢個二人餐真係相當豐富，仲要每道料理都有和牛食到，真係誠意十足👍首先登場嘅係和牛沙律，和牛好味就不在話下，沙律配埋秘製麻醬都非常好味，麻香得嚟帶點酸，非常開胃😋和牛紫蘇天婦羅炸得好酥脆，而且唔厚粉，和牛仲係好粉嫩，火喉控制得好好👍和牛鵝肝三文治真係睇字都流哂口水，食落完全比想像中更好味，鵝肝同和牛相當夾，口感creamy而且和牛香味極濃，三文治仲要烘得香脆，真係完美呀😍食完前菜就到主角登場，就係和牛拼盤！拼盤包括牛舌、西冷、肉眼同埋牛三角，每款各兩片薄燒，每個部位都好高質，牛味好香濃，點埋蛋液食就更好味，店員仲會幫我哋燒埋，真係好好服務🤩之後就到和牛釜飯，釜飯加咗櫻花蝦一齊煮，令到味道嘅層次得到昇華，有牛嘅香味之餘亦食到淡淡嘅櫻花蝦香味，個飯仲有飯焦，真係好好味😋最後食埋雪糕同飲埋麵豉湯，成餐飯食得非常滿足😍