一盛極牛 (Closed)

和牛同拉麵，係較為特別嘅配搭，所以決定一試究竟。餐廳裝修充滿日本舊時期文化色彩。而家仲見到廚師整拉麵同火灸和牛live, 好治療。極牛拉麵以極濃嘅豬骨湯做湯底，而由麵嘅軟硬到配菜嘅多少，都可以自由選擇，俾顧客跟據自己嘅喜好而選擇。 糖心蛋半熟啱啱好，充滿蛋味。重點嘅和牛真係入口即溶，薄薄唔厚身， 油脂分佈均勻。白牛拉麵喺豬骨湯底再加上松露，別有一番風味。店員提醒我哋，如果配料揀得多，就要揀最濃嘅湯底，咁先食出個種鮮味。店員動作好快手，抵讚。如果呢度多少加多D小食會更佳。