Read full review
2024-01-14
1294 views
餐廳:五武士 (尖沙咀) 地址: 尖沙咀梳士巴利道18號維港文化匯K11 Musea MUSE Edition 1樓125號舖 尖沙咀呢間五武士唔經唔覺開咗兩年有多,佢哋主打鐵板燒、串燒同和食,加上各式美酒嘅配搭🍷,希望以日式fusion嘅手法,炮製出一道道有睇頭又嶄新嘅菜式 雖然餐牌上食物價錢比較貴,不過位於K11 Musea有無敵維港海景🏙,加上星期一至日午市鐵板燒套餐做緊75折,而晚市鐵板燒套餐仲有50% Off嘅限時優惠,變相等於做緊買一送一,咁樣計返條數又好似真喺抵食好多,想食好西又想趁住仲有優惠就千祈唔好錯過‼️ 今次叫咗佢哋嘅晚市鐵板燒三款海鮮套餐($1880),兩個人除返開接近一千蚊位,有沙律🥗、Seasonal前菜、料理長一品、廚師長發辦海鮮三款、和牛二選一、湯、主食同甜品8道菜,但其實食嘅嘢絕對唔止得8樣,擺碟嘅精緻同大廚嘅健談仲令到我今餐飯食得開心好多先嚟嘅喺凱撒沙律同前菜,呢個價錢嘅鐵板燒值得有更好嘅沙律🥗,不過勝在啲菜都真喺幾新鮮,每啖咬落都「索索」聲爽口清脆;前菜有意大利黃瓜同三文魚籽甜蝦貝柱配青瓜🦐,都喺屬於一啲季節性開胃菜 ✝️料理長一品 呢個天婦羅拼盤有海
尖沙咀呢間五武士唔經唔覺開咗兩年有多,佢哋主打鐵板燒、串燒同和食,加上各式美酒嘅配搭🍷,希望以日式fusion嘅手法,炮製出一道道有睇頭又嶄新嘅菜式
雖然餐牌上食物價錢比較貴, 不過位於K11 Musea有無敵維港海景🏙,加上星期一至日午市鐵板燒套餐做緊75折,而晚市鐵板燒套餐仲有50% Off嘅限時優惠,變相等於做緊買一送一,咁樣計返條數又好似真喺抵食好多,想食好西又想趁住仲有優惠就千祈唔好錯過‼️
今次叫咗佢哋嘅晚市鐵板燒三款海鮮套餐($1880),兩個人除返開接近一千蚊位,有沙律🥗、Seasonal前菜、料理長一品、廚師長發辦海鮮三款、和牛二選一、湯、主食同甜品8道菜,但其實食嘅嘢絕對唔止得8樣,擺碟嘅精緻同大廚嘅健談仲令到我今餐飯食得開心好多
先嚟嘅喺凱撒沙律同前菜,呢個價錢嘅鐵板燒值得有更好嘅沙律🥗,不過勝在啲菜都真喺幾新鮮,每啖咬落都「索索」聲爽口清脆; 前菜有意大利黃瓜同三文魚籽甜蝦貝柱配青瓜🦐, 都喺屬於一啲季節性開胃菜
✝️料理長一品
呢個天婦羅拼盤有海鰻同幾款野菜,海鰻天婦羅都喺第一次試, 多餘油份被隔油紙吸收,咬落外層薄脆而海鰻鹹香鮮美,口感嫩滑,配埋咖喱粉一齊食又幾夾,有獨特風味又有新鮮感
✝️廚師長發辦海鮮三款
是日靚海鮮有南非活鮑魚、 日本赤甘鯛同加拿大象拔蚌, 未燒之前鮑魚仲喺好生猛,簡單用昆布焗住加清酒燒香🍶, 配以日本高野豆腐同蜆肉清湯,鮑魚咬落爽彈鮮味倍增; 日本赤甘鯛用咗立鱗燒方法炮製,加上溝咗蒜粒嘅海膽忌廉汁, 香脆魚鱗、鮮嫩魚肉、creamy帶有海膽同蒜香嘅醬汁,口感層次triple up⬆️; 加拿大象拔蚌切成條狀,就咁一條條放入口已經爽甜滋味, 蘸埋帶有顆粒感嘅白菌磨菇汁鮮味就更出,或者蘸裝飾畫碟用嘅鮮蔬菜汁仲多一層清新味道🥕
✝️和牛二選一
喺<熊本A5和王>和牛厚燒同<熊本A5和王>牛柳三文治兩者之間揀咗前者🐃, 雖然唔算真喺好厚肉同埋比嘅份量都唔多, 但用嘅和牛肉眼邊部位確實牛羶香味濃郁而且軟腍多汁, 切成6細粒,提供咗3款配搭,分別可以蘸岩鹽🧂、香草番茄汁🍅,或者配上紫蘇葉苗一齊食🌱,一次過試勻三種風味同享受,唔知你又鍾意邊款呢?
✝️湯
用龍蝦殼去熬煮嘅龍蝦清湯🦞,先就咁飲鹹鮮味濃,之後加埋青檸汁大大減輕咗多餘嘅鹹膩感,清新提鮮,估唔到一碗湯加少少青檸會有咁大變化同驚喜🎊
✝️主食
一滴油都無落去炒嘅高菜燒飯,用咗九州嘅高菜、白飯魚、洋蔥🧅、黑椒同薑蔥浸嘅豉油去炒, 有別於一般出面食開嘅鐵板炒飯多數都喺得炒蛋同雜菜做配料人大卜土卜蔬菜,飯質食落煙靭微脆有啲似飯焦口感,我個人幾鍾意,人火煙靭不過如果呢個價錢嘅套餐可以加埋啲和牛粒就一流😆嗎弓戈水火竹
✝️甜品
最後有日式傳統甜品——日水信玄餅, 配埋沖繩黑糖同黃豆粉,飲多啖熱茶🍵,為人今餐甜蜜蜜咁竹一作女口結
Post