阿茶茶。館 (Closed)

前日同我家的胖蕉去左元朗食飯，經過餐廳通常都會睇下MENU有乜食先入去，然後胖蕉見到鵝肝牛肉漢堡好似雙眼發青光咁，就入左呢間阿茶茶食。睇名真係以為係日式餐廳，但係裝潢就充滿美式餐廳的感覺。但是晚餐的餐牌，全都是各國西餐菜色，有美國安格斯肉眼牛扒、紐西蘭羊架、法式豬扒、香煎魚扒帶子身和英式炸魚薯條等等，而我們當然點的是和牛鵝肝漢堡，這就算是日式呢。漢堡一黎，都算大份，第一眼就好奇個包係正方形既！仲要個包食落同一般漢堡的味道都唔一樣，這個比較吸油，不太乾，有種法式軟包的感覺。芝士半融係和牛上，真係嫩滑，和牛肉唔似一般的漢堡扒，肉結實d和有牛味，不會太油，亦保留煎香的口感。仲要！加埋肥厚的鵝肝，有煎過所以表面有點脆脆，內裡又軟軟滑滑的，認真好吃。不得不讚好的是薯條好粗身的，我比較愛吃粗身的，感覺比較天然和味道是比幼的好，而他們的薯條又不會太咸，點蕃茄醬就剛剛好。還有一杯抹茶latte，飲落咖啡味不重，反而抹茶味和牛奶味都剛剛好，不太甜，味道剛剛好，HKD$20杯又唔算貴。其實漢堡我地女仔好難一啖咬哂，食半個已經飽飽地，所以下次黎試可以搵多埋阿媽黎開心SHARE。