Video
Read full review
2024-11-30
343 views
呢兩晚天氣真係凍咗好多，最啱就係約埋朋友一齊去打邊爐，揀咗呢間主打食牛又性價比高嘅「天下糧倉牛肉火鍋專門店」。店舖面積不大，但椅桌排列得不算密麻，加上通道闊落，所以感覺都幾舒服。選了「究極和牛放題」，價錢每位只係 $246，就已經包咗兩小時任食 8 款唔同部位嘅牛肉，另外仲有豬梅片、涮羊肉、大量火鍋配料同飲品等，全部都係任飲任食。如果想食埋雞煲，都只係+$128，仲可以無限添加雞。鍋底方面，選擇都幾豐富，有成 9 款，揀咗個芫茜皮蛋鍋，湯底味道好清甜，皮蛋軟滑甘香。上完湯底後，店員隨即送上一客牛肉拼盤，當中包括有澳洲 M7 和牛、牛板腱、安格斯牛肩胛、一級肥牛、封門柳、澳洲和牛金錢展、牛脷片同鮮牛肉。M7 和牛賣相好吸引，不但肉色鮮豔，而且雪花分佈平均；放入湯內輕灼幾下已經可以享用，肉質細嫩軟腍，入口充滿牛脂香。另外牛板腱水準亦唔錯，肉味濃郁又無渣，絕對係回本之選。飲品櫃旁邊放有兩個大凍櫃，入面擺放了不少火鍋配料，有丸類，蔬菜、菇菌和餃子等，全部都可以任取任食。估唔到連雪糕嘅口味都咁多款，真係令人花多眼亂。整體來說，這個火鍋放題，價錢合理，牛肉亦很有質素，絕對適合牛魔王幫襯！
呢兩晚天氣真係凍咗好多，最啱就係約埋朋友一齊去打邊爐，揀咗呢間主打食牛又性價比高嘅「天下糧倉牛肉火鍋專門店」。
店舖面積不大，但椅桌排列得不算密麻，加上通道闊落，所以感覺都幾舒服。
選了「究極和牛放題」，價錢每位只係 $246，就已經包咗兩小時任食 8 款唔同部位嘅牛肉，另外仲有豬梅片、涮羊肉、大量火鍋配料同飲品等，全部都係任飲任食。如果想食埋雞煲，都只係+$128，仲可以無限添加雞。
鍋底方面，選擇都幾豐富，有成 9 款，揀咗個芫茜皮蛋鍋，湯底味道好清甜，皮蛋軟滑甘香。
上完湯底後，店員隨即送上一客牛肉拼盤，當中包括有澳洲 M7 和牛、牛板腱、安格斯牛肩胛、一級肥牛、封門柳、澳洲和牛金錢展、牛脷片同鮮牛肉。
M7 和牛賣相好吸引，不但肉色鮮豔，而且雪花分佈平均；放入湯內輕灼幾下已經可以享用，肉質細嫩軟腍，入口充滿牛脂香。另外牛板腱水準亦唔錯，肉味濃郁又無渣，絕對係回本之選。
飲品櫃旁邊放有兩個大凍櫃，入面擺放了不少火鍋配料，有丸類，蔬菜、菇菌和餃子等，全部都可以任取任食。
估唔到連雪糕嘅口味都咁多款，真係令人花多眼亂。整體來說，這個火鍋放題，價錢合理，牛肉亦很有質素，絕對適合牛魔王幫襯！
Post
