Video
Read full review
2023-12-06
27 views
好耐冇食燒肉啦, 第一次食依間燒肉店。氣氛唔錯，平日放工時間都幾多人幫襯。成吉思汗沙律 ($68)先點咗個沙律做開胃小菜。所謂成吉思汗沙律其實係因為佢入邊有啲羊肉。沙律上面有隻溫泉蛋，撈埋令到個沙律更加moist。食食吓燒肉覺得滯嘅話，都可以食吓啲生菜解膩。椰菜絲沙律及圍爐蔬菜 ($25)圍爐蔬菜有洋蔥、椰菜、菇，燒肉燒到一半嘅時候就可以夾定佢出嚟，如果唔係就會太燶。啲蔬菜沾上燒肉嘅肉汁味所以份外好食。和牛盛盒 ($468)最好食要數依個和牛盛盒。佢分別有和牛西冷、和牛肉眼、和牛肩、和牛三角胸小排、和牛背峰。個人覺得最好食嘅係肉眼，入口即溶嘅感覺最明顯，而且牛味濃郁。其次三角胸小排、背峰同牛肩，由於脂肪含量比較高，食落比較滑同埋入口充滿油香。和牛系列燒一燒就好快熟。和牛盛盒入面有壽喜燒蛋漿。隻蛋係用咗鵪鶉蛋黃，豉油同埋蛋黃嘅份量比例恰到好處。燒肉拍檔 ($48)有生菜、青瓜、蒜片。將佢哋包住和牛食非常之惹味，生蒜片辣口，衝擊住味蕾，之後和牛會喺口入邊溶化嘅感覺非常之正。羊頸柳 ($98)羊味唔會好羶，脂肪比例分布平均，食落都幾易咬同Juicy。山形縣產煙燻豬腩 ($78)來自山形縣嘅豬
成吉思汗沙律 ($68)
先點咗個沙律做開胃小菜。所謂成吉思汗沙律其實係因為佢入邊有啲羊肉。沙律上面有隻溫泉蛋，撈埋令到個沙律更加moist。食食吓燒肉覺得滯嘅話，都可以食吓啲生菜解膩。
椰菜絲沙律及圍爐蔬菜 ($25)
圍爐蔬菜有洋蔥、椰菜、菇，燒肉燒到一半嘅時候就可以夾定佢出嚟，如果唔係就會太燶。啲蔬菜沾上燒肉嘅肉汁味所以份外好食。
和牛盛盒 ($468)
最好食要數依個和牛盛盒。佢分別有和牛西冷、和牛肉眼、和牛肩、和牛三角胸小排、和牛背峰。個人覺得最好食嘅係肉眼，入口即溶嘅感覺最明顯，而且牛味濃郁。其次三角胸小排、背峰同牛肩，由於脂肪含量比較高，食落比較滑同埋入口充滿油香。
和牛系列燒一燒就好快熟。
和牛盛盒入面有壽喜燒蛋漿。隻蛋係用咗鵪鶉蛋黃，豉油同埋蛋黃嘅份量比例恰到好處。
燒肉拍檔 ($48)
有生菜、青瓜、蒜片。將佢哋包住和牛食非常之惹味，生蒜片辣口，衝擊住味蕾，之後和牛會喺口入邊溶化嘅感覺非常之正。
羊頸柳 ($98)
羊味唔會好羶，脂肪比例分布平均，食落都幾易咬同Juicy。
山形縣產煙燻豬腩 ($78)
來自山形縣嘅豬腩肉特別唔同, 食落好似食緊厚切鴨胸咁，煙熏味濃郁，肉質結實。
桂花烏龍水果茶 & 鮮橙燒酎 ($68)
食燒肉最緊要飲啲凍冰冰嘅嘢。餐廳嘅酒水選擇都多，果味嘅嘢飲啱晒女仔🥰
Post
