Video
Read full review
2022-07-10
114 views
.📍Spring Field 和牛濃湯河專門店 📍 #饅頭去灣仔 #饅頭食越南菜------------------------------1️⃣ 和牛大滿足全配料牛湯金邊粉 ($124)呢度嘅湯底食澤較為清徹，雖然飲得出明顯嘅牛骨香味，但鹹味偏淡，唔太感覺到理想中嘅先鹹後清甜，金不換等香料嘅份量亦唔太夠，欠缺我喺越南食到嘅嗰種清爽新鮮嘅香氣，略嫌湯底層次稍為普通，勝在唔油膩同冇味精，飲完唔會有種好口渴嘅不適感。話雖如此，Spring Field嘅牛肉卻比到同價格相應嘅水準，火灸澳洲和牛片有3大片，唔會過薄，顏色係6-7成熟粉嫩狀態😍，脂肉比例均勻，入囗感覺到微微燒香，嫩滑軟綿唔乾柴，牛味鮮甜香口；最令我驚喜嘅係澳洲和牛牛丸，外表如同普通牛丸平平無奇，內裡juicy多汁，質感扎實彈牙，釋出濃郁脂香🐮，真材實料令人信服；慢煮牛肉條係牛蹍部位，粗切，夾起嚟唔容易斷，筋肉紋路清晰可見，雖未及入囗即化，但軟腍程度合格有餘，可以 一次過感受三種唔同口感嘅牛肉真係好開心😚♥️；蘿蔔粒亦係水份充足無咩渣，不過應該係同牛骨湯分開煮，味道上帶日式昆布湯嘅風味，配越南河粉有啲新奇。面底我就揀咗口感較為爽口挺身
📍Spring Field 和牛濃湯河專門店 📍
#饅頭去灣仔 #饅頭食越南菜
------------------------------
1️⃣ 和牛大滿足全配料牛湯金邊粉 ($124)
呢度嘅湯底食澤較為清徹，雖然飲得出明顯嘅牛骨香味，但鹹味偏淡，唔太感覺到理想中嘅先鹹後清甜，金不換等香料嘅份量亦唔太夠，欠缺我喺越南食到嘅嗰種清爽新鮮嘅香氣，略嫌湯底層次稍為普通，勝在唔油膩同冇味精，飲完唔會有種好口渴嘅不適感。
話雖如此，Spring Field嘅牛肉卻比到同價格相應嘅水準，火灸澳洲和牛片有3大片，唔會過薄，顏色係6-7成熟粉嫩狀態😍，脂肉比例均勻，入囗感覺到微微燒香，嫩滑軟綿唔乾柴，牛味鮮甜香口；最令我驚喜嘅係澳洲和牛牛丸，外表如同普通牛丸平平無奇，內裡juicy多汁，質感扎實彈牙，釋出濃郁脂香🐮，真材實料令人信服；慢煮牛肉條係牛蹍部位，粗切，夾起嚟唔容易斷，筋肉紋路清晰可見，雖未及入囗即化，但軟腍程度合格有餘，可以 一次過感受三種唔同口感嘅牛肉真係好開心😚♥️；蘿蔔粒亦係水份充足無咩渣，不過應該係同牛骨湯分開煮，味道上帶日式昆布湯嘅風味，配越南河粉有啲新奇。
面底我就揀咗口感較為爽口挺身嘅金邊粉，相對河粉就冇咁軟腍，但麵身幼長掛湯，質地更有咬口感，符合我口味，再配埋麻油同香辣比例適中嘅爽口芽菜，更為惹味。 雖然對湯底有少少失望，但配料做得幾出色，所以小編都願意畀一個相應高少少嘅分數。
2️⃣ 招牌春園河 ($81)
------------------------------
🔸整體評分：7.9/10
🔸小編回頭率：7/10
Post
