SENSU (Closed)

今日係藍色星期一，女友放工後心情特別低落，女友獅子開大口話要食和牛，作為24孝男友既我當然滿足女友要求。經過上網查閱，我同女友最後去左SENSU，上樓梯既時候感覺非常夢幻。一入去餐廳就見到吧枱，再行入少少就係用餐嘅地方。裝潢以金、黑為主調，環境非常歡堂，白色雲石枱配上木椅可謂西日合璧，更加添一份貴氣。睇到呢度係咪覺得SENSU同和牛完全冇關係呢？咁你就錯啦，餐廳既All-day menu同snack combo都有和牛元素，仲要A5和牛😍日山國產和牛烏冬可選擇木魚花湯同麻辣湯。烏冬煙韌彈牙，一碗內有四、五件和牛，肉質軟稔，另外仲有牛丸。不過份量有啲小，對男仔嚟講唔夠候。日式燒國產和牛定食附送湯同沙律，湯有啲鹹，和牛肉味相當香濃，配上溫泉蛋更加惹味。黑松露薯條上面灑上松露碎，加上黑松露醬，所以黑松露味好足夠。另外食落唔覺油膩，薯條炸得幾乾身。平時Happy hour佐酒食物都係薯條串燒之類，但係SENSU係和牛配酒，可謂奢華嘅配搭，你值得擁有。