Video
Read full review
2024-03-15
226 views
今日放假同朋友嚟蘭桂坊呢間日式餐廳食semi-buffet ，樓底高好通風，地方好大，座位寬敞好舒適，用上木系裝修同日式和紙充滿日式風味～ 呢個半自助放題喺星期六日下午限定，$588/位，每人可以選擇一款主菜，鱈場蟹腳同A4 宮崎和牛菜式、日式前菜、刺身、卷物、天婦羅、燒物… 全部都係無限供應㗎，仲有期間限定嘅關東煮～ 北海道鱈場蟹腳：廚師好細心剪開晒啲殼，食落啖啖肉，味道鮮甜，充滿海水味，真係會不停encore～ 烤A4 宮崎和牛配柚子汁： 和牛油花豐富，肉質爽口，配上柚子汁清新開胃。仲有煙燻鴨胸配創味鹽汁、燒汁冷茄子、蟹籽青瓜沙律、田園沙律、日式泡菜同枝豆等等前菜～關東煮：味道正宗，暖笠笠，有大根、雞蛋、竹輪等等…刺身：刺身有好多款，包括油甘魚、三文魚、帶子、象拔蚌同八爪魚，全部都好新鮮。油甘魚係現場原條即切，魚油香味重，紋路層次清晰，完全冇渣；帶子鮮甜；三文魚厚身肥美；象拔蚌爽脆清甜壽司卷物包括：A4 宮崎和牛壽喜燒卷、鰻魚牛油果卷、FUMI 素菜卷同雜錦辛香刺身太卷，每樣精緻小巧，配搭創新～ 炸物有日式芝士年糕、雞皮餃子同天婦羅海蝦、南瓜、秋葵，天婦羅炸得香脆，芝士年糕煙煙韌韌
呢個半自助放題喺星期六日下午限定，$588/位，每人可以選擇一款主菜，鱈場蟹腳同A4 宮崎和牛菜式、日式前菜、刺身、卷物、天婦羅、燒物… 全部都係無限供應㗎，仲有期間限定嘅關東煮～
北海道鱈場蟹腳：
廚師好細心剪開晒啲殼，食落啖啖肉，味道鮮甜，充滿海水味，真係會不停encore～
烤A4 宮崎和牛配柚子汁：
和牛油花豐富，肉質爽口，配上柚子汁清新開胃。仲有煙燻鴨胸配創味鹽汁、燒汁冷茄子、蟹籽青瓜沙律、田園沙律、日式泡菜同枝豆等等前菜～
關東煮：味道正宗，暖笠笠，有大根、雞蛋、竹輪等等…
刺身：
刺身有好多款，包括油甘魚、三文魚、帶子、象拔蚌同八爪魚，全部都好新鮮。油甘魚係現場原條即切，魚油香味重，紋路層次清晰，完全冇渣；帶子鮮甜；三文魚厚身肥美；象拔蚌爽脆清甜
壽司卷物包括：A4 宮崎和牛壽喜燒卷、鰻魚牛油果卷、FUMI 素菜卷同雜錦辛香刺身太卷，每樣精緻小巧，配搭創新～
炸物有日式芝士年糕、雞皮餃子同天婦羅海蝦、南瓜、秋葵，天婦羅炸得香脆，芝士年糕煙煙韌韌，裏面嘅芝士流心甜中帶鹹～
燒物包括鹽燒宮崎雞翼、宮崎特產黑豚香腸、牛油燒粟米同鮮冬菇，雞翼燒得好香，外脆內嫩～
蟹粉茶碗蒸：
好滑lulu，蛋味香濃，加入蟹粉非常鮮味，暖胃滋味
A4 宮崎牛壽喜燒小鍋：
A4 宮崎牛大大塊，口感軟嫩，油脂平均分佈，非常濃厚牛味同油脂香～ 壽喜燒湯底濃郁，少少甜又唔會太甜，豆腐吸收左壽喜燒湯底非常入味～
精選手握壽司拼盤：
四件壽司包括鮮吞拿魚、火炙左口魚邊、秋刀魚、鯛魚～ 吞拿魚色澤鮮嫩，入口甘甜鮮味，肉質嫩滑～ 火炙左口魚入口先食到火炙嘅焦香味，咬落去口感爽口，咀嚼後甘甜魚油滲出，濃郁甘香又肥美，入口即溶～
甜品盤：
上碟充滿儀式感，加咗乾冰騰雲駕霧，有Häagen-Dazs雪糕、士多啤梨、哈密瓜、哈密瓜糯米糍同蕨餅～ 雪糕香甜香滑，配上煙煙韌韌嘅糯米糍同埋蕨餅，再加上清新嘅生果配搭完美～
餐廳仲有提供日本清酒、梅酒、啤酒、Cocktail同Mocktail都好豐富，我哋試咗Fuji Honey同Mango Fizz兩款Mocktail ~ Fuji Honey 加入荔枝同菊花茶，味道清新香甜；Mango Fizz有芒果蓉、菠蘿汁、橙汁，味道酸甜開胃，充滿熱帶風情，兩款飲品層次分明，都非常打卡～
總括而言，以半自助餐定位嚟講，食物質素高質，菜式選擇豐富；服務細心體貼，裝熱食嘅碟都係熱嘅，職員借好主動介紹菜式、添菜同收拾枱面；環境舒適寬敞，值得一試！
Post
