佳牛美酒 (Closed)

作為牛魔王嘅我，早就想去拜訪佳牛美酒，聽講餐廳供應嘅和牛好食到不得了，而且仲有服務人員從頭到尾係桌邊serve客人，聽落好relax好想去。終於，好朋友係我牛一帶我去，今次有機會一嚐，開心興奮嘅心情，都真係完完全全錶都係我嘅面上啊!😝一出𨋢門，第一眼見到就係滿滿嘅酒櫃。食牛肉配紅酒係理所當然嘅組合，所以佳牛美酒主要提供紅酒俾喜歡一邊食肉、一邊品嘗美酒嘅客人有更多的選擇。今次重點都想講下佢嘅牛肉～油花分布均勻嘅和牛，光光係見到好鮮艷嘅色澤已經非常開胃！因為肉眼油花同軟嫩度都係比較受歡迎嘅，所以我哋都確定點嘅套餐要有呢一款！注意：我冇落任何filter影相㗎～不得不提，呢度服務真係好好，服務人員會將你點嘅和牛先端上來，而且旁邊會有牌仔顯示係哪一個部位～除咗燒肉，佢哋其中一個招牌菜都非常出色，吃起來有種扎實感，但意外嘅係細細咀嚼之後居然有明顯嘅肉汁。對於牛魔王來講真係可以大飽口福！仲有一個窩心嘅地方想同大家分享嘅，就係我好朋友麻煩佢哋準備甜品，點知佢哋非常有心機，自己親手整咗一個芝士蛋糕，仲預計到客人食完和牛之後已經會有飽肚嘅感覺，所以只係落咗好少糖，貼心到不得了！