Video
Read full review
2024-10-12
552 views
本身我不定期都會去周月🌙幫襯，算係常客。不過近來先發現佢出左新野，就係和牛🐮壽喜燒🔥沾麵🍜，咁，身為捧場客嘅我，去啦喂。《和牛🐮壽喜燒🔥沾麵🍜》香味 (3/5) - 食過壽喜燒d朋友，可能都會覺得壽喜燒好食歸好食，不過個味道大同小異，特別係個壽喜燒汁，都係鰹魚汁，味醂，醬油嘅組合，係差在甜d定鹹d咁架姐。咁，今次呢個沾汁聞落去，都係嗰陣味 + 牛肉香，算係好聞嘅，不過真心冇乜驚喜囉。沾汁 (4/5) - 雖然，聞落係大路野，食落，周月🌙個秘製醬油真心救左個汁，令佢响壽喜燒汁同牛脂嘅味道中，升級左一個層次，味道有返個性，係好味嘅。另外，佢有d脆粒放响面，睇落似天婦羅碎，不過好快就浸到唔脆了。因為周月個醬油味道好鮮明，一個救左全家，所似都值4分。麵條 (4.5/5) - 有留意開周月嘅朋友，一定知佢自家製麵，粗幼，口感，味道，小麥香，都係一等一。唯一少扣分嘅係，因為佢有比人揀凍食定熱食，而我知道好多人都會推薦食沾麵應該係凍麵配熱湯，不過我偏偏就唔鍾意咁，我覺得熱麵配熱湯更啱我口味。而，因為係熱麵，除非你極快食完，否則，個麵條放耐左少少就會黏埋，夾會有少少煩。配料 (3/5) - 先由主角非
《和牛🐮壽喜燒🔥沾麵🍜》
和牛🐮壽喜燒🔥沾麵🍜
$143
64 views
0 likes
0 comments
香味 (3/5) - 食過壽喜燒d朋友，可能都會覺得壽喜燒好食歸好食，不過個味道大同小異，特別係個壽喜燒汁，都係鰹魚汁，味醂，醬油嘅組合，係差在甜d定鹹d咁架姐。咁，今次呢個沾汁聞落去，都係嗰陣味 + 牛肉香，算係好聞嘅，不過真心冇乜驚喜囉。
沾汁 (4/5) - 雖然，聞落係大路野，食落，周月🌙個秘製醬油真心救左個汁，令佢响壽喜燒汁同牛脂嘅味道中，升級左一個層次，味道有返個性，係好味嘅。另外，佢有d脆粒放响面，睇落似天婦羅碎，不過好快就浸到唔脆了。因為周月個醬油味道好鮮明，一個救左全家，所似都值4分。
麵條 (4.5/5) - 有留意開周月嘅朋友，一定知佢自家製麵，粗幼，口感，味道，小麥香，都係一等一。唯一少扣分嘅係，因為佢有比人揀凍食定熱食，而我知道好多人都會推薦食沾麵應該係凍麵配熱湯，不過我偏偏就唔鍾意咁，我覺得熱麵配熱湯更啱我口味。而，因為係熱麵，除非你極快食完，否則，個麵條放耐左少少就會黏埋，夾會有少少煩。
配料 (3/5) - 先由主角非佢莫屬嘅部份講起，即係塊和牛。塊和牛肉味係夠，不過可能因為佢應該係用個較稀嘅汁煮熟，而冇刻意去煎香或火炙過，所以肉味足但牛脂味係唔夠。不過，收得呢個錢，有三塊和牛，算佢啦。
其它野，白蔥，荀，溏心蛋，就係正正常常啦。溏心蛋本身跟半隻，下面幅圖係影另外叫嘅一隻。
整體 - 一試無妨
Other Info. :
周月嘅實力相信都不用多懷疑，不過佢特色嘅地方係一，佢個醬油，二，佢個麵本身。呢個和牛壽喜燒沾麵絕對係一個測試巿場接受程度嘅嘗試，我作為長期食客，我意見係，如果佢想加添和牛產品，都係出碗細碗嘅和牛飯會好 d，食客可以食個招牌沾/拉麵，跟個和牛飯，滿足度肯定會更大。另外，一個鐵一般的事實，和牛都係配飯🍚好食d，配麵係冇咁夾 。
(The above review is the personal opinion of a user which does not represent OpenRice's point of view.)
Post
