一盛極牛 (Closed)

一個人獨食，最啱就係食個拉麵🍜～ 見到原來近尖東開左間日本人主理嘅拉麵店—「一盛極牛」， 就入去試吓啦！☺️ 豚肉和雞拉麵就見得多， 好少見有拉麵以牛🐮為主題。 呢到只有3款： 和牛刺身拉麵、火炙和牛拉麵、和牛拌麵。 值得一提的是， 店家採用的是日本🇯🇵熊本直送嘅黑毛和牛， 屬於頂級「和王」級別，非常矜貴！ 小編係松露迷， 所以就點左加了白松露嘅白牛拉麵🍜， 食客可按個人喜好選擇湯底嘅濃度、麵質軟硬度，以及各種配料。 牛肉分「和牛刺身」、「火灸和牛」兩款， 如果想一次過試晒兩款口味， 仲可以試下一半一半呢！😌 一分為40-50g， 牛魔王嘅我梗係要三分（$198）啦！😎 湯底係由用新鮮牛骨和頂級「和王」和牛牛脂熬煮20多小時，牛味濃郁～🐮 先喝一口湯頭，湯底清甜， 加上白松露香氣，入口有股明顯嘅幽香， 令人愛不惜口。☺️ 火炙牛肉油花鮮明，肉質細嫩，肉汁豐富， 和牛刺身比火炙更嫩滑，入口即化， 豐潤肉質溢出鮮味，正！😋 加上彈牙雞蛋麵，幾重蛋味，又爽口彈牙～😙 原來店家採用「真空雞卵麵」， 麵粉、鹼水、蛋粉全部係日本貨，難怪水準咁高！😏